တစ်နေ့တော့ပြန်လာခဲ့ပါ့မယ် . . . မေမေ

တစ်နေ့တော့ပြန်လာခဲ့ပါ့မယ် . . . မေမေ

ဟိုးအဝေးမှာ
ကြယ်စင်တွေ..သူတို့စွမ်းသလောက်
မှုန်ပြပြပေမယ့်..“ လင်း ” ပြရှာတယ် မေမေ
ကျွန်တော်ရော...မေမေ့အတွက်
ဘယ်လို သစ္စာတရားတွေနဲ့
ဘယ်လို မေတ္တာတရားတွေနဲ့
“ လင်း ” ပြခဲ့ပြီးပြီလဲဟင် ...

မေမေ
ကျွန်တော်တို့အရပ်မှာ
နေတွေမပွင့်ဘူး .. လတွေမသာဘူး
အချိန်တိုင်းမှာ ဖိနှိပ်စီးပိုးမှုတွေနဲ့
ဘယ်လိုများ နေသာစရာကောင်းမှာတဲ့လဲ
ဂါရ၀တရား နဲ့ ရိုသေမှုဟာ
လူ့ဘုံသမိုင်းမှာ ပျောက်ဆုံးနေလေရဲ့
မေမေသင်ကြားခဲ့သမျှ
ကျွန်တော့်မှာ . . . . နောင်တ ဆိုတာကိုအဖော်ပြုလို့
ခရီးကြမ်းကို ဆက်လက်လွှင့်နေမိဆဲ

မေမေ
အဲဒီကောင်းကင်ကြီးအောက်
ကျွန်တော်တို့ မိုးရေတွေ အတူသောက်ခဲ့ကြဖူးတယ်
တနယ်တခြားမှာ
သူတို့ဟာ ဘာကြောင့်များ “ စိမ်း ” သွားကြတာလဲဟင်
ကျွန်တော်တို့ဟာ မြန်မာတွေပါမေမေ
ရွှေတိဂုံဘုရားကြီးရှိတယ်
ဇွဲကပင်တောင်ရှိတယ်
ဧရာဝတီမြစ်ကြီးရှိတယ်
ပုဂံ ရှိတယ်
ဂူဂဲလ်လောက်တော့ပွင့်နိုင်တဲ့ အင်တာနက်လိုင်းကြီးတွေရှိတယ်
တခါတခါ ပိုက်ဆံများရှိလို့ကတော့
လူပေါ်လူကျော်လည်း လုပ်နိုင်သေးတယ်မေမေရဲ့

မေမေ
မဝေးတော့တဲ့တစ်နေ့မှာပေါ့
ကျွန်တော်တို့ မျှော်လင့်ခြင်းတွေကိုယ်စီထုပ်ပိုး
မနိုးသော အိပ်မက်များ ကိုယ်စီနဲ့
မေမေ့အိမ်ကလေးကို ပြန်လာခဲ့မှာပါ
နှင်းဆီရနံ့တွေလွှမ်းနေတဲ့
မေမေ့ ပန်းခင်းလေးထဲ
ကျွန်တော့်ကို မျှော်နေမလားမေမေ
မေမေ့ ရင်ခွင်တံခါးကိုခေါက်
ကျွန်တော် သားချော့တေးတွေ ပြန်ကြားယောင်မိတယ်
လူကလေးရယ်..အိပ်ချိန်တန်..ဗျိုင်းရှေ့ကပျံ
ကျွန်တော့်မျက်ဝန်းတွေထဲ
အခါမလပ် အုံ့ဆိုင်း ရစ်သိုင်းနေဆဲပါ မေမေရယ်

မေမေ
ဒီမြေဒီရေဟာ ကျွန်တော့်အတွက်တော့
တမာခါးတွေစိုက်ပျိုးထားတဲ့ ပူပြင်းစူးရှ
ကန္တာရသက်သက်ရယ်ပါ မေမေ
တခမ်းတနား အဆောက်အအုံတွေနဲ့
မီးရထားဖြူဖြူကြီးတွေနဲ့
သူတို့ဟာ စက်ရုပ်တွေများလားမေမေ
အချိန်တန်အိပ် အချိန်တန်စား
ဘ၀ဟာ နေခြင်းလား... သေခြင်းလား
ဘယ်လို အသိတရားမျိုးတွေနဲ့
ကျွန်တော်ဆက်နေထိုင်ရမလဲဟင် မေမေ

မေမေ
နံနက်ခင်းနိုးထခါစ မေမေ့လက်ရာထမင်းကြော်နဲ့
ပဲပြုတ်ဆီဆမ်းကို ကျွန်တော်တအားလွမ်းတယ်မေမေ
ကျွန်တော့်ကို ဆူပါဦးမေမေ
ကျွန်တော့်ကို ရိုက်ပါဦးမေမေ
တခမ်းတနား အဆောင်အယောင်တွေကို
ကျွန်တော်မုန်းတီးနေခဲ့တာကြာပါပြီ
ဘ၀က လှိုင်းထန်လည်းပဲ
မေမေ့ ၀ဲဂရက်ထဲပဲ ကျွန်တော်လွန့်လူးပျော်မွှေ့ချင်တယ်
မေမေ့ လှေငယ်လေးပဲ ကျွန်တော် လှော်ခတ်ချင်တယ်
အို... မေမေရယ်
မဝေးတော့တဲ့ တစ်ရက်မှာပေါ့
ကျွန်တော် အရောက်ပြန်ခဲ့မှာပါ
ခွင့်လွှတ်ခြင်းတရားတွေ နဲ့ မေမေ့ ရင်ခွင်နွေးနွေးကြား
ကျွန်တော် အိပ်စက်ခိုလှုံပါရစေဦးနော်

(အဝေးရောက် “ သား ” များ ကိုယ်စား ခံစားရေးဖွဲ့ပါတယ် )

သက်တန့်ချို

ဝမ်းသာရပါတယ် ...ဧရာဝတီရယ်

ဧရာဝတီမြစ်ကြီး ပျက်ဆီးမယ့်အရေး တွေးတွေးပြီး ကျွန်တော်တို့အားလုံး စိုးရိမ်ပူပန်သောကတွေ များခဲ့ရပါတယ် ။ ၀မ်းသာ စရာသတင်း.. . မြစ်ဆုံဆည်စီမံကိန်းကို ရပ်ဆိုင်းတော့မယ်တဲ့ ။ မယုံရဲသေးပါဘူး ဒါနဲ့ အစိုးရက အတိအ လင်းသတင်းကြေငြာချက်ကို စောင့်နေတုန်း အောက်တိုဘာ ၁ ရက်နေ့ နိုင်ငံပိုင်သတင်းစာတွေမှာ

“ မိမိတို့ အစိုးရလက်ထက် မြစ်ဆုံဆည်တည်ဆောက်ခြင်းကို ရပ်ဆိုင်းထားမည် ”

ဆိုတဲ့ သတင်းကို ခေါင်းစီးကြီးနဲ့ ဖတ်လိုက်ရ တဲ့အတွက် အလွန်အမင်း ၀မ်းမြောက်ဝမ်းသာ ဖြစ်သွားခဲ့ရပါတယ် ။ တထိတ်ထိတ် မက်ခဲ့ရတဲ့ ဧရာဝတီရဲ့ အိပ်မက်ဆိုးတွေ နံနက်ခင်းနေရောင်ခြည်ရဲ့ လင်းဖြာမှုနဲ့ အတူ ဝေး လွင့်ပျောက်ကွယ်သွားခဲ့ရပါပြီ ။

“ မိမိတို့အစိုးရသည် ပြည်သူမှ ရွေးချယ်တင်မြှောက်ထားသည့်အစိုးရဖြစ်၍ ပြည်သူများ၏ ဆန္ဒကို အလေးထား ၊ ပြည်သူ များ၏ စိုးရိမ်ပူပန်မှုများကို အလေးထားဖြေရှင်းဆောင်ရွက်ပေးရန်တာဝန်ရှိ ”

ဆိုတဲ့ အစိုးရသစ်ရဲ့ စကားကိုကြားလိုက်ရတော့ ကျွန်တော်တို့ စိတ်အတွင်းသဏဏ္ဍာန်တွေထဲမှာ မြူတွေနဲ့ ဖုံးအုပ်နေ တဲ့ မျှော်လင့်ခြင်းတွေ တဖျက်ဖျက်လင်းလက်လာခဲ့ရသလိုပါပဲ ။ အဲဒီပေးပို့ချက် သ၀ဏ်လွှာ အပိုဒ် ၈ ကို ပြန် လည်ဖော်ပြရမယ်ဆိုရင်

“ နှစ် ၃၀ လျှပ်စစ်မဟာ ဗျူဟာ စီမံကိန်းအရ နောက်ထပ် ရေအားလျှပ်စစ်စီမံကိန်း ၆၄ ခုနှင့် ကျောက်မီးသွေး ဓါတ်အားပေး စက်ရုံ ၃ ခုအပါအ၀င် လျှပ်စစ်ဓါတ်အားထုတ်လုပ်ရန် စက်တပ်ဆင်အား မဂ္ဂါဝပ် ၄ သောင်းကျော် ထုတ် လုပ်နိုင် သည့် အလားအလာများရှိပါသည် ။ အဆိုပါ စီမံကိန်းများတွင် ကချင်ပြည်နယ်ရှိ မေခ ၊ မလိခ မြစ်ညာမြစ်ဝှမ်းနှင့် ဧရာဝတီ မြစ်ဆုံ စီမံကိန်း ၈ ခု အပါအ၀င်ဖြစ်ပါသည် ”

လို့ ဖော်ပြထားတာတွေ့ရပါတယ် ။ ဒါကိုဖတ်ခြင်းအားဖြင့် မြစ်ဆုံစီမံကိန်းဟာ နှစ် ၃၀ လျှပ်စစ်မဟာ ဗျူဟာ စီမံကိန်း ထဲမှာ ပါဝင်ပြီး ဟိုးယခင်ထဲက Planning တွေလုပ်ထားကြောင်းသိနိုင်ပါတယ် ။ ဒါ့အပြင် မြစ်ဆုံ စီမံကိန်းနဲ့ပတ်သတ်လို့ ပြည်သူတွေရဲ့ စိုးရိမ်ပူပန်မှုတွေ ကို အောက်ပါအတိုင်းဖော် ပြထားတာတွေ့ ရပါ တယ် ။

“ (၁) ကချင်ပြည်နယ်အတွက်သာမက မြန်မာနိုင်ငံအတွက်ပါ သဘာဝကပေးထားသော ( Land Mark ) ဖြစ်သည့် မြစ်ဆုံ သဘာဝ အလှအပပျောက်ကွယ်သွားနိုင်ခြင်း ၊
(၂) မြစ်ညာပိုင်းရှိ တိုင်းရင်းသားကျေးရွာများ ရေနစ်မြုပ်၍ ၄င်းတို့၏ အသက်မွေးဝမ်းကြောင်းလုပ်ငန်းများ ဆုံးရှုံးပျက်ဆီးသွားနိုင်ခြင်း ၊
(၃) ပုဂ္ဂလိကများမှ ငွေကြေးအရင်းအနှီးများစွာ စိုက်ထုတ် ၍ စီးပွားဖြစ် စိုက်ပျိုးထား သည့် ရော်ဘာ စိုက်ခင်းများနှင့်ကျွန်းစိုက်ခင်းများ ပျက်စီးသွားနိုင်ခြင်း ၊
(၄) ရာသီဥတုဖောက်ပြန်မှုကြောင့် မြောက်ဖျားရှိ ရေခဲတောင်များ အရည်ပျော်ခြင်း ၊ မိုးသည်းထန်စွာ ရွာသွန်းခြင်း ၊ အင်အားပြင်းထန်သည့် ငလျင်လှုပ်ခြင်းတို့ ဖြစ်ပေါ်လာပါက မြစ်ဆုံဆည် ပျက်စီးပြီး ဆည်အောက် ပိုင်းရှိ မြို့ရွာများနှင့် ပြည်သူများ သေကျေပျက်ဆီးမှု ရှိနိုင်ခြင်း ၊
(၅) ဧရာဝတီမြစ်ကြီးထိခိုက်ပျက်ဆီးနိုင်ခြင်း ”

ဟုတ်ပါတယ် ။ တသွေမတိမ်းပါပဲ ။ ပြည်သူတွေရင်ထဲမှာ ခံစားနေရတာ ဒီထက်ပိုတဲ့ အချက်တွေသာ ရှိချင်ရှိမယ် မလျော့ ပါဘူး ။ ဒါကို ဒီမိုကရေစီဖော်ဆောင်တဲ့ အစိုးရသစ်လက်ထက်မှာ ပြည်တွေကိုယ် စားပြည်သူတွေ ရဲ့ နှလုံးသားနဲ့ရင်ဘတ်ထဲ ၀င်ပေးခဲ့တဲ့ နိုင်ငံတော်သမ္မတကြီးကို လှိုက်လှိုက်လှဲလှဲကျေးဇူးတင်မိပါတယ် ။ ဖြစ်သင့် တဲ့အရာတစ်ခုဖြစ်သွားရတာမို့ ဧရာဝတီအတွက် လတ်တလော စိတ်အေးရပါပြီ ။ ဒီနေရာမှာ လတ်တလော လို့ ပြောရတာ အကြောင်းရှိပါတယ် ။ မြစ်ဆုံစီမံကိန်းကို ဖျက်သိမ်းတာမဟုတ်ပါဘူး ။ ရပ်ဆိုင်း ထားတယ်လို့ ဖော်ပြထားတာပါ ။ ဒါဆို တစ်ချိန် ဆက်လုပ်ကြဦးမှာလား ...ဒါမှမဟုတ် ဘာတွေဆက်ဖြစ်ဦးမှာလဲ အတွေးပေါင်းများစွာက ဆက်လက်ရှိနေဦးမှာပါ ။ လောလောဆယ်တော့ ကျွန်တော်တို့ စိတ်တွေ လွတ်လပ်ပေါ့ ပါးခဲ့ရပါပြီ ။

နောက်တစ်ချက်က “ အန္တရာယ်မရှိနိုင်သည့် အခြားသော ရေအားလျှပ်စစ်စီမံကိန်းများကိုသာ စနစ်တ ကျ လေ့လာဆန်းစစ်၍ ဆောင်ရွက်သွားမည် ” လို့ဖော်ပြထားပါတယ် ။ သဘာဝ အရင်းအမြစ်အလှအပတွေနဲ့ စီမံကိန်း တစ်ခုကထွက်လာမယ့်ဆိုးကျိုးတွေ ၊ ဒေသခံပြည်သူတွေရဲ့ သဘောထားတွေ ၊ နောက်ဖြစ်လာမယ့် Consequences တွေကို ချိန်ထိုးတွက်ဆပြီးမှ အန္တရာယ်အကင်းဆုံး စီမံကိန်းတွေကို သာဆက် လက်လုပ်ဆောင် သွားမယ်လို့ပြောတာဖြစ်တယ်လို့ ယူဆပါတယ် ။

ဆက်လက်ပြီး ပြည်သူတွေရင်ထဲဝင်မကြည့်ပဲ ထင်ရာစိုင်းကြမယ့် လူတွေကိုလည်း နိုင်ငံတော်သမ္မတကြီးအနေနဲ့ ဘယ်လိုများ ဆက်လက်ဆောင်ရွက်သွားမလဲဆိုတာ ကျွန်တော်တို့အားလုံး မျက်လုံးတွေဖွင့် နားတွေစွင့်နေ ကြပါဦးမယ် ။

- နိုင်ငံတော်၏ ပြည်တွင်းရေးကို ၀င်ရောက်စွက်ဖက်နှောက်ယှက်သော ပြည်ပနိုင်ငံများအား ဆန့်ကျင်ကြ ။

- နိုင်ငံတော်၏ စီးပွားရေးတစ်ရပ်လုံးကို ဖန်တီးနိုင်မှုစွမ်းအားသည် နိုင်ငံတော်နှင့် တိုင်းရင်းသားပြည်သူတို့၏ လက်ဝယ်တွင်ရှိရေး

စတဲ့ အချက်လေးတွေ ကျွန်တော်တို့အားလုံး အလေးထား ထိမ်းသိမ်းသွားရမှာဖြစ်ပါတယ် ။

ဧရာဝတီအရေးမှာ တက်တက်ကြွကြွ ပြည်သူတွေဖက်က အမြဲရပ်တည်ပေးခဲ့တဲ့ EMG ၊ မြစ်ဆုံစီမံကိန်းကနေ အမျိုးသားစည်းလုံးညီညွှတ်ရေးကို အမြတ်ထုတ်ရမယ်ဆိုတဲ့ အမေစု (ဒေါ်အောင်ဆန်းစုကြည်) ၊ နိုင်ငံတစ်ဝှမ်းမှ အနုပညာရှင်များ ၊ စာရေးဆရာများ ၊ ဧရာဝတီကိုချစ်မြတ်နိုးကြောင်း ပို့စ်တွေကို စည်းလုံးညီညွှတ်စွာ ဘလော့ဂ်တွေ ကို တင်ပေးခဲ့ကြတဲ့ ဘလော့ဂါအသီးသီးကို ဧရာဝတီ မြစ်ကြီးကိုယ်စား အထူးပဲ ကျေးဇူး တင်ရှိပါတယ် ။ အုတ်တစ်ချုပ်သဲတစ်ပွင့်အဖြစ် ပါဝင်ခဲ့ရခဲ့တဲ့ ဘလော့ဂ်တစ်ခုအနေနဲ့လည်း အမြဲဂုဏ်ယူပါတယ် ။ နောက် လည်း အရေးကြုံလာပါက ကျွန်တော်တို့အားလုံး သွေးစည်းညီညွှတ်ကြပါစို့ ။ မြစ်ဆုံစီမံကိန်း ဖျက်သိမ်းပါစေဟု တောင်းဆုများ ထပ်ခါထပ်ခါ ပြုရင်း . . . . .

သက်တန့်ချို