**နတ်သမီးဖန်ဆင်းတဲ့ မှော်ဆရာလေးရဲ့ အလွမ်းဇာတ်လမ်း** အခန်းဆက် ဇာတ်လမ်း (၁) to (၉)

နိဒါန်း
လူဆိုတာ အတွေးရဲ့သားကောင်လို့ ဆိုခဲ့ကြတာ ကျွန်တော် ဖတ်ဖူးခဲ့တယ်။
ကျွန်တော်ကိုယ်တိုင်လည်း လက်ခံထား တယ်။ ကျွန်တော့်အလုပ်က
မတွေးရင်ဖြစ်စေ..အတွေးမကောင်းရင်ဖြစ်စေ.အလုပ်မဖြစ်ဘူး။
တွေးအားကောင်းဖို့ကလည်း.. လေ့လာမှု အားကောင်းမှ
..ဖတ်၊မှတ်၊လေ့လာမှုကောင်းမှ ဖြစ်တာမဟုတ်လား။
လူ နှင့် တိရ စ္ဆာန်ကြားကကွာခြားမှုကလည်း အဲ့ဒါပဲလေ။
စကားတစ်ခွန်းပြောရင်တောင် အသုံးအနှုန်းက တော်တော်
လိုအပ်တယ်လေ..။အပြောမတက်တော့ ဆဲသလိုဖြစ်တယ်ဆိုတာကြားဖူးကြမှာပဲလေ..။
တစ်ချို့အတွေ့အကြုံတွေက ကိုယ်တိုင်ခံစားဖို့မလိုဘူးလေ..။ အခုဖြစ်နေတာလည်း
အဲ့ဒီလိုပါပဲဗျာ..။
ကျွန်တော်ပြောပြမယ်..။ အပြောမတက်လို့ ဆဲသလိုမဖြစ်အောင်တော့
ကျွန်တော်လည်း ကြိုးစားထားပါတယ်။
ကဲ..စပြောကြရအောင်..မိတ်ဆွေလည်း စဉ်းစားပေးပေါ့ဗျာ..။ ဖြစ်ပုံက ဒီလိုဗျ.။
အခန်း (၁)
ကျွန်တော်ဒီနေ့စိတ်တွေညစ်နေတာဗျ….။ ဘာလုပ်ရရင်ကောင်းမလဲ…။
စဉ်းစားကြည့်တယ်..။ ဆေးသွား စိမ်ရင် ကောင်းမလား။ ဆေးသွားသောက်၇င်
ကောင်းမလား..။ မကြိုက်ဘူး။ အင်း …။ ဟုတ်ပြီ.။ အခုလိုဖြစ်နေတာတွေ
ငြိမ်းသွား အောင် ဗေဒင်သွားမေးမယ်..။ ကောင်းတယ်..။
လျှောက်ကြည့်တယ်..။
ဆရာမ-မြတ်ဆုကုဋေ
လက္ခဏာ၊ဗေဒင်၊အကြားအမြင်
အထူးဟောသည်။
မြင်သမျှ..ကြားသမျှသာ တစ်ကယ်ဟောရင် ဒုက္ခပဲ..။မနက်ကအိပ်ယာနိုးတော့
လုံချည်က ခြေရင်းမှာ.. မဖြစ်ဘူး။ မဖြစ်ဘူး။ ထပ်ကြည့်ဦးမှ..။
ဟော..တွေ့ပြီ.။
ဆြာ - ရန်နိုင်ကိုကို
တဲ့ရော့၊ဗေဒ၊နက္ခတ်၊လက္ခဏာ
ဧကံသဗျာကရကပညာရှင်
အင်း..ဧကံသဗျာကရကပညာရှင် ဆိုတော့ မေးသလောက်ပဲဖြေမယ်ဆိုတဲ့သဘောပဲ။
မဖြစ်သေးပါဘူး။ ကျွန်တော်က မမေးတက်ဘူးဗျ..။တစ်ကယ်မေးရင်လည်း
ပေါက်က၇တွေမေးရင်..ဗေဒင်ဆရာပဲ စိတ်ညစ်မှာ.. ဆက်ကြည့်ဦးမှပဲ..။
တွေ့ပြန်ပြီ..။ ဘာတဲ့..။
ဆရာ..တားရော့
သင့်ကံကြမ္မာကို ဖတ်နိုင်ရန် တားရော့ဖြင့်သာ ဟောသည်။
မဆိုးဘူး။ တားရော့တော့ စိတ်ဝင်စားတယ်။ ၀င်မေးကြည့်ဦးမှပဲ..။ကျွန်တော်
ဖြစ်နေတာကို သူဆိုရင် နားလည် နိုင်မယ်ထင်တယ်..။
ဟောခန်းထဲရောက်တော့ ကျွန်တော်က..
"ဆရာ တားရော့ ရှိပါသလား"
ပိန်ပိန်ပါးပါးနှင့် လူတစ်ယောက် စာအုပ်ပုံကြားက ထွက်လာပါသည်။ ပြီးမှ..
"ဟုတ်ကဲ့..ကျွန်တော်ပါ။ ဗေဒင်မေးမလို့လား။ထိုင်ပါ"
ဆိုပြီး သူ့ရှေ့က ခုံလေးရှေ့မှာ နေရာပေးပါတယ်။ ကျွန်တော်လည်း
ဝင်ထိုင်လိုက်ပြီး ..ပြောလိုက်မိပါတယ်။
" သြော်..ဆရာက ၀ိမုတ္တိရသ စာအုပ်ကို ဖတ်နေတာလား။ "
(၀ိမုတ္တိရသ=လွတ်မြောက်ခြင်းအရသာ ရေးသူ-ဦးသော်ဇင် )
သူဖတ်နေသော စာအုပ်ကို ကျွန်တော် မသိပါ။ ပါးစပ်မှ လွတ်ကနဲထွက်သွားခြင်းသာ
ဖြစ်ပါသည်။ ထားခဲ့သော သူ့စာအုပ်ကို မမြင်ဘဲ ကျွန်တော်က ပြောလိုက်တော့
သူအံ့သြသွားပုံရပါသည်။ ထိုအချိန်တွင် သူ့ခါးကြားတွင်ညှပ် ထားသော ဖုန်းက
အသံမည်လာပါသည်။
"ဆရာ ကတော်ဆီက ဖုန်းထင်တယ်။ သတိရလို့ဆက်တာတော့ မဟုတ်လောက်ဘူး။ တစ်ခုခု
ပူဆာမလို့ ထင်တယ်"
ကျွန်တော့်ကို လှမ်းကြည့်ပြီး အပြင်ထွက်ပြီး ဖုန်းပြောနေပါသည်။
တအောင့်နေတော့ ပြန်ဝင်လာပါသည်။ ထိုင်ပြီး မှ ကျွန်တော့်ကို…
" ခင်ဗျားက ဗေဒင်မေးမလို့လာတာလား။ ကျွန်တော့်ဇနီးဆီကမှန်းဘယ်လိုသိတာလဲ။
ပြီးတော့ ပူဆာမယ်လို့ ရော ဘယ်လို သိနေတာလဲ။"
" ကျွန်တော်မေးချင်တာလည်း အဲ့ဒါပဲဆရာ။ "
ဟု ပြောလိုက်ပါသည်။ အဲ့ဒါနဲ့ ဆရာက
"ခင်ဗျား ဇာတာကိုတွက်ဖို့ မွေးသက္ကရာဇ်ပြောပါ"
"ကျွန်တော်က သိုက်ဖွား ၊ ၅ခုကြွင်း စနေသားပါ။အနောက်တိုင်းအလိုအရတော့
Gemini ရာသီခွင်မှာ
မွေးတာပါ။"
သူက ချရေးနေပါသည်။ ဆရာဇာတာစစ်နေစဉ်မှာပဲ ကျွန်တော်က.
"ကျွန်တော်က ရှေ့ဖြစ်နောက်ဖြစ်တွေ မသိချင်ပါဘူးဆရာ..။ ကျွန်တော့်မှာ
ဖြစ်နေတဲ့ ထူးခြားဖြစ်စဉ်တစ်ခုကို ဘာကြောင့်ဖြစ်နေတာလဲ သိချင်လို့ပါ။
ပြီးတော့ အဆောင်တွေ..ယတြာတွေချေလိုက်ရင် ပျောက်သွားမလား သိချင်လို့ပါ။"
ဆရာ တားရော့က နားမလည်သလို ကြည့်နေပါသည်။ ထိုအချိန်တွင်..
"သြော်..ဆရာက ဗိုက်အောင့်နေတာလား။
သွားပါဆရာ..သွားပါ။ကျွန်တော်စောင့်နေပါ့မယ်။ရပါတယ်။ "
ဆရာလည်း မျက်နှာကြီးရှုံ့မဲ့ပြီး နောက်ထဲသို့ ၀င်သွားပါသည်။
ပြန်ထွက်လာတော့ ကျွန်တော့်ကို အံ့သြတကြီး ပုံစံမျိုးနှင့် ပြောပါတော့သည်။
"မင်း..မင်း..ဘာဖြစ်လို့ ငါ့စိတ်ထဲက ခံစားချက်တွေကို သိသိနေတာလဲ"
ကျွန်တော်လည်း စိတ်မောသောအသံဖြင့် ….
"ကျွန်တော် ဆရာ့ကို မေးချင်တာလည်း အဲ့ဒါပါပဲ ဆရာရယ်.."
"ဘာ"
"ဟုတ်ပါတယ်..ဆရာ။ ဘယ်လိုတွေ ဖြစ်နေလဲမသိပါဘူးဆရာရယ်။ကျွန်တော့်အနားက လူတွေရဲ့
စိတ်ခံစားချက်ကိုအလိုအလျှောက် သိသိနေပြီး ကျွန်တော်ပါ
ဖြစ်ဖြစ်နေတာ။အဲ့ဒါ ဘာကြောင့်
ဖြစ်ရတာလဲ သိချင်လို့ပါ။"
ဆရာ တားရော့ က ကျွန်တော့်ကို မသင်္ကာသလို ကြည့်နေပါသည်။ ကျွန်တော်လဲ ပျာပျာသလဲ..
"မဟုတ်ဘူး ဆရာ..မဟုတ်ဘူး။ ဆရာ့ကို ပညာလာစမ်းတာမဟုတ်ပါဘူး။ ကျွန်တော်
ရိုးရိုးသားသား သိချင်လို့
လာမေးတာပါ။ တစ်ကယ်ပါ။ ယုံပါဆရာ။"
ဆရာက ၀ုန်းကနဲ့ ထရပ်လိုက်ပါသည်။ကျွန်တော်လည်း မြန်မြန် ပြန်ငြင်းလိုက်ပါသည်။
"ကျွန်တော် အထက်ကလာတာလည်း မဟုတ်ပါဘူး။ ပညာသည်လည်း မဟုတ်ပါဘူး။"
ကျွန်တော် ထပ်သိလိုက်ပြန်ပါသည်။
"ဟာ..ဆရာ .။ မဟုတ်ပါဘူးဆရာရယ်..။ အဲ့ဒါ ပိုဆိုးတယ်။ လုံးဝ မဟုတ်ဘူး"
ဆရာ တားရော့မျက်နှာ ပြုံးလာပါသည်။ ကျွန်တော့်ကို ၀မ်းသာအားရကြည့်ပြီး …
"ဒါကတော့ ဟုတ်ပါတယ်..ဆရာရယ်..။ ကျွန်တော့်ကို
ပညာတွေမြင့်တင်ပေးဖို့ရောက်လာတဲ့ ပုဂ္ဂိုလ်ထူးပါ။ ကြွပါ
ဆရာ..ဒီဘက်ကိုကြွပါ။ ကျွန်တော့်မှာလေ ဘုရားရှိခိုးတိုင်း ပဌာန်းဆက်ရှိတဲ့
ပညာသည်တွေက ပညာရပ်ထူး တွေ သင်ပေးဖို့ ဆုတောင်းနေတာပါ။ အခုမှပဲ
ပြည့်တော့တယ်။"
ဟာ..သွားပြီ..မှားပြန်ပြီ။ ဘယ်လိုရှင်းပြရမှန်မသိတော့ဘူး။ ကွိုင်ဘဲဗျာ..။
"ကြွပါ ဆရာ..ဘုရားခန်းကို ကြွပါ။"
မဟုတ်ဘူး ဟု တွင်တွင်ငြင်းနေရင်း..ကျွန်တော်လည်း အပြင်သို့
ပြန်ပြေးထွက်ခဲ့ပါသည်။ ဆရာ တားရော့ ကတော့ ဖိနပ်တောင် မပါဘဲ အတင်းကြီးကို
လိုက်ခေါ်နေပါသည်။
ကျွန်တော့်မှာလည်း ဒုက္ခပါပဲ..။ အဖော်တွေတောင် ဘယ်တော့လာမလဲ မသိပါဘူး။
သူကလာရင် အဖော်တွေ ပါတက်လွန်းလို့ လေ..။
ဟူး ကနဲ သက်ပြင်း ကိုသာ ချလိုက်မိပါသည်။ စိတ်ထဲမှလည်း ကယ်တော်မူပါ
အရပ်ကတို့ ဟု အော်ချင်နေ ပါသည်။ ထိုသို့ထွက်လာရင်း လမ်းတွင်
ကျွန်တော့်နောက်မှ လိုက်လာရင်း ပခုံးကို လှမ်းဆွဲလိုက်သော လူတစ်ဦးကို
တွေ့လိုက် ရပါသည်။ လှည့်မကြည့်ဘဲ ပြောလိုက်ပါသည်။
"ကျော်စွာ..မနက်ကတည်းက ငါ့ကို ရှာနေတာမလား။"
ဟု ကျွန်တော် ပြောလိုက်မိပါသည်။ ကျော်စွာကတော့ အံ့သြနေဟန်ဖြင့် ..
"မင်း ဘယ်လို သိနေတာလဲ။"
"မင်း ချမ်းငြိမ်းနဲ့တွေ့ပြီးသွားပြီ မဟုတ်လား။"
"ဒီဘက်မှာ ရှိနိုင်တယ်လို့ မင်းကို ပြောလိုက်တယ်လေ.."
အဲ့ဒါတွေကြောင့် ကျွန်တော်စိတ်တွေ ညစ်ညစ်နေတာ..။ ပြောပြရင်လည်း ဘယ်သူမှ
ယုံမှာ မဟုတ်ဘူး။ ကျွန်တော့် ကိုယ် ကျွန်တော်တောင် ယုံတာ မဟုတ်ဘူး။
သူဘာလိုချင်လို့ လိုက်ရှာနေတာလဲ ဆိုတာ ကျွန်တော် သိပါတယ်။ ဒါကြောင့်
"ရော့ မင်းလိုချင်တဲ့ စာမူ။ ပြန်တော့"
ကျွန်တော်ဘ၀ရဲ့ လူသားမဆန်မှုတွေကို ကျွန်တော် စတင် စိတ်ညစ်လာပါသည်။
ဒီပြဿနာတွေရဲ့ အစ ကတော့ နတ်သမီးကြောင့်ပါ..။ ဟုတ်ပါတယ်..။အပြင်မှာ
တွေ့ဘူး မြင်ဘူးရန် မလွယ်တဲ့ နတ်သမီးကို တွေ့လိုက်ပြီး နောက်ပိုင်း
အခုလို ထူးထူးဆန်းဆန်းတွေ ဖြစ်လာစေတော့တာပါပဲ..။
အခန်း (၂)
နတ်သမီးရေ..
ရနိုင်မယ်ဆိုရင် .နင့်ရင်ခွင်ထဲကို
ငါ ၀င်ကြည့်ချင်တယ်..။
အ၀င်အ၀ရောက်ရင်..
ငါက လက်မှတ်တစ်စောင်ထုတ်ပေးမယ်..။
နင်က လက်မှတ်ကို တစ်ဝက် ဆုတ်ဖြဲလိုက်တယ်။
အံ့သြစရာပဲ..
နင်ကရုံစောင့်ကြီးဖြစ်နေတယ်။
လက်မှတ်ကို တစ်ဝက် ဆုတ်ဖြဲလိုက်တာက..
ဝင်ခွင့်ပြုတာလား..။
ဒါမှ မဟုတ်..?
ဒီနေ့တော့ မနေ့က Email တွေဖွင့်ကြည့်ကူးခဲ့ပြိး ကျွန်တော့်ကို
မေးထားတဲ့မေးခွန်းတွေကို ပြန်ဖြေဖို့ စာစီနေပါ တော့သည်။ တစ်ချို့တွေကလည်း
ဘာတွေမေးမှန်းလဲမသိဘူး။ ကျွန်တော်ကတော့ မေးခွန်း ဖတ်လို့မပြီးသေးဘူး။
ဖြေရမှာကို သိနှင့်နေပြီ။ ဘာပဲဖြစ်ဖြစ် စိတ်ချမ်းသာဖို့
အရေးကြီးပါတယ်လို့တွေးပြီး ဖြေပေးလိုက်ပါတော့သည်။
သူဇာ ။ ။ ကိုကိုမှော်ဆရာရှင့်။ ကျွန်မယောက်ျားက ကျွန်မကို ခဏခဏ
သစ္စာဖောက် တယ်ရှင့်။ အဲ့ဒါဘယ်လိုလုပ်ရမလဲရှင့်။
ကိုကိုမှော်ဆရာလေး ။ ။ ခဏခဏသစ္စာရှိပေးလိုက်ပါ။ အဆင်ပြေသွားပါလိမ့်မယ်။
Eversmilelady။ ။ ဆရာ..သမီးချစ်သူကသမီးကို
အရမ်းချစ်တယ်လို့ပြောပါတယ်။အဲ့ဒါ ယုံကြည်သင့်ပါ သလားရှင့်။
ကိုကိုမှော်ဆရာလေး ။ ။ယုံကြည်သင့်ပါတယ်။ သူပြောနေသမျှပေါ့ဗျာ။
သူနဲ့သွားရင်တော့ ရေသန့်ဗူး တစ်ဗူး တော့ ဆောင်ထားလိုက်ပါ။ အိုင်တွေ့လို့
ခြေဆေးချင်ရင် ရေသန့်ဗူးထဲက ရေနဲ့ သမီး ကိုယ်တိုင် ဆေးပေးလိုက်ပါ။
ဒါဆိုရင် သေချာပေါက် ယုံကြည်လို့ရနေပါမယ်။
ဝေသာလီမောင်ကျေး။ ။မှော်ဆရာ..ကျနော့်ပေါင်မှာအိမ်မြှောင်ပုံစုတ်ထိုးထားပါတယ်။
အဲ့ဒါ သိဒ္ဓိတက် လာအောင် ဘာလုပ်ရမလဲခင်ဗျာ။
ကိုကိုမှော်ဆရာလေး ။ ။တစ်နေ့ကို သိဒ္ဓိ လို့ အကြိမ်ရေ
(၆၀)တိတိလူစည်ကားတဲ့ဈေးရှေ့မှာ သွားသွား ရွတ်ပေးပါ။ ရက်ပေါင်း
(၆၀)ပြည့်ရင် သင်အောင်မြင်ပါပြီ။ (၁)ပတ်လျှင် တစ်ဈေး သွားရွတ်ပေးပါ။
မကြာခင် ရောက်သွား မှာပါ။ စိတ်ချပါ..။
မော်လမြိုင်သူလေး။ ။ကိုကိုမှော်ဆရာလေးရှင့်။ကျွန်မမှာ
အချစ်ရေးဆိုင်ရာကိစ္စရပ်တစ်ခု ဖြစ်နေပါတယ်။ ဒီလိုပါရှင်..။ ကျွန်မကို
အိပ်က အရာရှိတစ်ယောက်နဲ့ သဘောတူထားကြပါတယ်။ ဒါပေမယ့် ကျွန်မမှာလည်း
ချစ်သူရှိနေပါတယ်။မကြာခင်မှာ ယူကြဖို့ နှစ်ဦးသဘောတူ
ဆုံးဖြတ်ထားပါတယ်။ဒီနှစ်အကုန်မှာ ယူကြမှာပါရှင့်။ အိမ်ကတော့
ဒီနှစ်ဝါကျွတ်ရင်
မြန်းပေးမယ်လို့ပြောနေပါတယ်။ကျွန်မဘယ်လိုလုပ်ရမှန်းမသိဘူးဖြစ်နေပါသည်။
အကြံဥာဏ်များပေးပါဦးရှင့်။ ကျွန်မကတော့ (၂)ယောက်စလုံးကို ဘယ်လို
လုပ်ရမှန်း မသိဘူးဖြစ်နေပါသည်။အိမ်ကိုလည်း
စိတ်မညစ်စေချင်ဘူး။ချစ်သူကိုလည်း စိတ်မညစ် စေချင်ဘူး။ကူညီပါရှင်..
ကိုကိုမှော်ဆရာလေး ။ ။အင်း..သူပြောပုံကလည်းတစ်မျိုးကြီးပဲ..။
မထူးပါဘူးဗျာ..။ ဒီလိုလုပ်..။
ချစ်သူနဲ့အရင်ညှိလိုက်ပါ။ ဘယ်တော့ယူကြမလဲ။ ဒီနှစ်အကုန်လား။ဒါဆို ဒီနှစ်
မကုန်ခင် အိမ်ကပေးစားတဲ့သူကို အရင်ယူလိုက်မယ်။ ချစ်သူက ယူနိုင်ပြီဆိုရင်
ယူ ထားတဲ့သူကို ပြဿနာရှာပြီး ကွဲလိုက်မယ်။ ဖြစ်လား..လက်ခံလား.. သဘောထား
ကြီးလား လို့ မေးလိုက်ပါ။ သူကလက်ခံတယ်ဆိုရင်.. အိမ်ကပေးစားတဲ့သူကို
လုံးဝမယူပါနဲ့။ ချစ်သူကိုပဲ စောင့်ပြီး လက်တွဲလိုက်ပါ။ အကယ်၍ချစ်သူက
လက်မခံဘူး။ မော်လမြိုင်သူလေးကို အပြစ်တွေတင်မယ်။ ရုပ်ရှင်ထဲကလိုစကားတွေ
ပြောမယ်ဆိုရင်..ရုပ်ရှင်ထဲကလို အိမ်က ပေးစားတဲ့သူကို ယူလိုက်ပါ။ ရေရှည်
အဆင် ပြေသွားပါလိမ့်မယ်။ ဟုတ်ပြီနော်..။
ဒီနေ့အဖို့တော့ တော်လောက်ပြီဟုတွေးရင်း အိပ်စက်ခွင့်ကို နတ်သမီးထံမှာ
တောင်းလိုက်ပါသည်။ ဒါပေမယ့် ကံမကောင်းပါ။ တစ်ညတည်းနဲ့ အိပ်မက် (၃) ခု
ဆက်တိုက်မက်ပါတော့သည်။
အခန်း(၃)
အိပ်မက်(၁) ကတော့ ဒီလိုပါ။
ကောင်မလေးတစ်ယောက်နှင့် ကျွန်တော် ပျော်မြူးဆော့ကစားနေပါသည်။
ကလေးများလို ဂျင်ပေါက်တမ်း၊ ထမင်း ချက်တမ်း၊ လင်မယားလုပ်တန်းတို့တော့
မဟုတ်ပါ။ ထို့သို့ကစားရမည့်အရွယ်တွေလည်းမဟုတ်ကြပါ။ ကုလား ကားထဲကလို
ပန်းခြံထဲမှာလျှောက်ပြေးနေပါသည်။
ကောင်မလေးက အတော်လှပါသည်။ နှင်းပွင့်တွေကြားမှာ
နှင်းပွင့်ဖြူလေးလိုချောမောလှပနေပါသည်။ ကျွန်တော်ကတော့
ဘာမပြောညာမပြောဘဲနဲ့ လက်တွဲပြီးလျှောက်ပြေးနေပါသည်။ ကုလားကားထဲကလိုတော့
လိုက်က နေတဲ့သူတွေ တော့ မပါပါ။ ဘေးကလူတွေကတော့ အင်းဂလိပ်ကားထဲကလို
ခဏကြည့်ယုံသာ ကြည့်ပြီး ကိုယ့်အလုပ် ကိုယ် ဆက်လုပ် နေပါတော့သည်။
ကျွန်တော်တို့လည်းပြေးလွားနေတာကိုရပ်လိုက်ပြီး မြန်မာကားထဲကလို
တစ်ယောက်မျက်နှာတစ်ယောက် ကြည့်နေ လိုက်ပါသည်။ ကောင်မလေးက လှလိုက်တာ..။
ကျွန်တော့်ကို ပြုံးပြီးကြည့်နေပါသည်။ ပြုံးပြီးကြည့်နေပုံမှာ
တစ်ခုခုလိုနေ ပါသည်။
"တစ်မျိုးပါလား။"
ကျွန်တော်ဇဝေဇ၀ါ ဖြစ်နေပါသည်။ ကောင်မလေးက ထပ်ပြုံးပြပါသည်။
သေချာကြည့်လိုက်တော့မှ..
"ဟာ"
"ထပ်ပြုံးပြပါလား"
"အင်း"
ကောင်မလေးကကြည်ကြည်နူးနူးကြီးကိုပြုံးပြပါသည်။
သေချာကြည့်လိုက်တော့မှ..ကောင်မလေးမှာ သွားတွေမရှိပါ..။ ဟာ..ဘာတွေစားပြီး
ဒီလောက်ကြီးလာပါလိမ့်။
"အား"
ဟု အော်ရင်း ကျွန်တော် အက်ရှင်ကားထဲကလို TAXI ကားတစ်စီးကိုတားပြီး
အမြန်တံခါးဖွင့်ဝင်လိုက်ကာ..
"မောင်း မောင်း..မောင်းချင်တဲ့နေရာကိုမောင်း"
ကားမောင်းထွက်လာချိန်မှာ..အိပ်မက်ကလန့်နိုးလာပါတော့သည်။
ထိပ်လန့်တကြီးနှင့် ရေထသောက်ကာ..
"ဘာလဲကွ..အိပ်မက်ကလဲ..ဂယ်ဘဲ။"
ပြန်တွေးမိပြိးတော်တော်နှင့် ပြန်အိပ်မပျော်သေးပါ။
တစ်နာရီလောက်ကြာမှ..ပြန်အိပ်ပျော်သွားပါသည်။ နတ်သမီးတို့
လုပ်လိုက်ရင်..အဲ့လိုကြီးပဲ..။ တစ်ကယ်..။

အိပ်မက် (၂)
ဒုတိယအိပ်မက် ကိုမက်တော့
ကျွန်တော်ကအီဂျစ်မြို့ဟောင်းတစ်ခုထဲကိုရောက်နေပါသည်။ကျွန်တော့်
ရှေ့မှာလည်း မံမီရုပ်ကြီးတစ်ခုရှိနေပါသည်။
ပတ်တီးပေါင်းများစွာနဲ့..စိတ်ပျက်စရာကြီးဗျာ..။ သူကလည်း ကျွန်တော့်
ကိုကြည့်နေတယ်။
"ဟေ့ကောင်"
"ခညာ"
"မင်းဘာလာလုပ်တာလဲ"
"ဗျာ"
"ကျွန်တော်လည်း မသိဘူးခင်ဗျ။"
သေပြီးသားမံမီကြီးက ကျွန်တော့်ကို စကားတွေလာပြောနေတယ် လို့ စိတ်ထဲမှာတွေးမိပြီး ..
"ခင်ဗျားက သေပြီးသားမလား။ဘာလို့စကားတွေလာပြောနေတာလဲ"
ထပ်မေးတယ်..။
"ဒီကို ဘာလာလုပ်တာလဲ"
"ကျွန်တော်လည်း အဲ့ဒါကိုပဲ စဉ်းစားနေတာ"
"ဘာကွ"
"တစ်ကယ်ပြောတာ..ကျွန်တော်လည်း ဘာလို့ဒီထဲကိုရောက်နေမှန်းကိုမသိဘူး။"
"မင်းပြောတာကို ငါ နားမလည်ဘူး။မင်းကြည့်ရတာ..မော်ဒန်ကဗျာဆရာလား"
"ကျွန်တော့်ကို အထင်ကြီးပုံရတယ်။ ဟုတ်တယ်"
လို့ ခပ်တည်တည်ပြောလိုက်ပါတယ်။ အဲ့လိုပြောလိုက်တော့မှ သူက ပြုံးပြီး
"ငါ ထင်သားပဲ"
အားရ၀မ်းသာနဲ့ ဆက်ပြောပါတယ်။
"ငါလဲ ကဗျာရေးတာ ၀ါသနာပါတယ်ကွ။ မော်ဒန်ကဗျာတွေရေးထားတယ်"
"ဗျာ"
ကျွန်တော် စိတ်ညစ်သွားပါသည်။ နဂိုကတည်းက
မဆီမဆိုင်နေရာကိုရောက်နေတာ..အခုလိုတွေ တွေ့မြင်နေ ရတော့ ပိုပြီး
စိတ်ညစ်သွားပါသည်။ စိတ်ထဲမှလည်း နတ်သမီးရေ..ကယ်ပါဦးလို့
ဟစ်အော်ချင်ပါသည်။
မံမီကြီးကတော့ ဆက်ပြောပါသည်။
"ငါ ရေးထားတဲ့ မော်ဒန်ကဗျာကို ဖတ်ကြည့်ပါဦး"
သူရေးထားတာက မနီကလေး ကဗျာကို ပြန်ရေးထားတာပါ။ မူရင်းကို
အရင်ဖော်ပြလိုက်ပါတယ်။ မံမီမော်ဒန် ကဗျာ ကို ဖတ်ပြီး
ကြောင်သွားမှာစိုးလို့ပါ။ စေတနာတွေပေါ့ဗျာ။
မနီကလေး ဘယ်ကလာ.စာသင်ကျောင်းကိုလာ
မနီကလေးဘယ်ကိုသွား စာသင်ကျောင်းကိုသွား
စာသင်ကျောင်းက ဘာတွေသင် စာရေးစာဖတ်သင်
စာရေးစာဖတ်ဘာလုပ်ဖို့ မနီကလေး လိမ္မာဖို့
သူရေးထားတာကတော့ ဒီလိုပါ..။ခံစားကြည့်ပါဦး ။မံမီကြိးကတော့
တွံ့တေးသိန်းတန် အသံနဲ့ပြောနေတာပါ။
စာသင်ကျောင်းကို လာနေတဲ့ မိန်းကလေးငယ်ကတော့ မနီဖြစ်ပါတယ်။ သူလာနေတာ
စာသင်ကျောင်းကိုပါ။ လမ်းအဆုံးတစ်နေရာမှာ
စာသင်ကျောင်းတစ်ကျောင်းရှိနေပါတယ်။ စာသင်ကျောင်းကတော့ မနီကလေးကို တစ်ခုခု
သင်မှာ ဖြစ်ပါတယ်။သင်ကြားပေးမယ့် တစ်ခုခုကတော့ မနီကလေး
လိမ်မာဖို့ဖြစ်ပါတယ်။ မနီကလေး လိမ်မာပုံများ စာရေးစာဖတ် တွေ
သွားသင်နေပါတယ်။
ကျွန်တော်လည်း စိတ်ညစ်သွားပါတယ်။ သူကတော့ မေးရှာပါတယ်.။
"ဘယ်လိုလဲကွ။ကောင်းရဲ့လား"
"ပြောရမှာ အားနာတယ်"
"ခင်ဗျားပတ်တီးတွေက ဘာလို့ ပတ်ထားတာလဲ။အနာတွေရှိလို့လား။ဒါမှ မဟုတ်
မြန်မာပြည်လာပြီး တောင်းစား မလို့လား"
"ဘာကွ။ မင်းစကားလမ်းကြောင်းမလွှဲနဲ့။ငါမေးတာကိုဖြေ"
"တစ်ကယ် ဖြေရမှာလား"
"အေး အဲ့ဒါပဲ ငါသိချင်တာ"
ရွှေမန်းတင်မောင် အသံနဲ့ အမယ်မင်း ပြောရပါတော့မယ် ဘိုးဘိုးကြီးရဲ့လို့သာ
အော်လိုက်ချင်ပါတော့သည်။ တစ်ကယ်ပါဗျာ..။ စိတ်ညစ်တယ်..။ နတ်သမီးလည်း
ကျွန်တော့်ဖြစ်ပုံကို ကြည့်ပြီး ရယ်နေမလားပဲ.။ လုပ်ထား ဦးပေါ့
နတ်သမီးရယ်..။
ကျွန်တော့်ကို အိပ်ခွင့်မပေးယုံမျှမက ဘာတွေဘယ်လို
ဖြစ်မှန်းမသိအောင်လုပ်ထားတာ.. ခင်များလေး အလှည့်ကျမှ လုံချည်ကို
မီးတက်ရှို့ပစ်မယ်လို့ စိတ်ထဲကနေ တွေးနေမိပါသည်။
အဲ့..ကြားသွားပြီလားမသိဘူး။ ဘွာတေးနော်..။
"မြန်မြန်ပြောကွာ။ငါ စိတ်မရှည်တော့ဘူး"
"အဲ့ အဲ့လိုကဗျာတွေ ရှိသေးလား"
"ရှိသေးတာပေါ့ကွ။ ငါကမသေမချင်းကဗျာတွေရေးသွားမယ့် မံမီကွ"
"မံမီဆိုတာ သေပြီးသားမဟုတ်လား"
"အောင်မာ..ဟေ့ကောင် ..ငါမေးတာကိုပဲဖြေ"
"ဟုတ်ကဲ့..ဆက်.ဆက်မရေးတော့ရင် ပိုကောင်းမယ်။"
"ဘာကွ"
မံမီကြီးစိတ်ဆိုးသွားပါသည်။ ကျွန်တော်လည်း ပြောမိပြောရာ ပြောလိုက်ပါသည်။
"ဟုတ်တယ်..အကောင်းပြောတာ"
"ဘာအကောင်းလဲကွ"
"မနီက ခင်ဗျားကို တရားစွဲလိမ့်မယ်။ သူ့ခွင့်ပြုချက်မယူဘဲ
သူ့ကိုအသုံးချပြီးရေးထားလို့"
"ငါတို့ အနုပညာသည်တွေမှာလည်း အဲ့ဒါက ဒုက္ခတစ်ခုပဲနော်"
မံမီကြိး စိတ်လေသွားပါသည်။ ပြီးတော့ ၀မ်းနည်းကြေကွဲသွားပါသည်။ ပြီးမှ ..
"နေပါဦးကွ..အဲ့ဒီမနီက ဘယ်မှာနေတာလဲ"
"ကျွန်တော်တို့ အိမ်နားမှာ.."
"အခုဘာလုပ်နေလဲ"
"ပဲပြုတ်ရောင်းနေတယ်"
"ဟေ..ခဏနေဦး ။ ငါခံစားမလို့"
"သြော်.."
ကျွန်တော်လည်း စိတ်မကောင်းဖြစ်သွားပါသည်။
ဘယ်နဲ့ဗျာ..မဆီမဆိုင်..ကိုယ့်ဒုက္ခကိုယ်ရှာနေတယ်။ ပြောမယ့်သာ ပြောရတာပါ။
ကျွန်တော်လည်းဒုက္ခတစ်မျိုးဖြစ်နေပါတယ်။ ရုတ်တရက် မံမီကြီးက..
"နေ့တွေ ညတွေ မရှိရင် နေမင်းနဲ့ လမင်းဟာ ကွယ်ပျောက်ရတော့မယ်"
"ဗျာ..ဟုတ်ကဲ့"
"သူ ကိုယ်တိုင်သေဆုံးရတော့မယ့် ဈာပနကို သူကိုယ်တိုင် လိုက်မပို့နိုင်တော့ဘူး"
"အင်း…အဲလေ..ဟုတ်ကဲ့"
"စံပယ်တွေ ကြွေသက်တာကိုလက်ခံပေးရင်း ကမ္ဘာမြေကြီးဟာကြေကွဲလာတယ် "
ဟိုးတလောက ရှမ်းပြည်မှာ မြေပြိုတာကို ဒီမံမီကြီး ဘယ်လိုသိသွားပါလိမ့်။
ဘုရား..ဘုရား..ရေကြီးတာတွေ ဆက်လာဦးမလားမသိဘူး။ ဘာဆက်ပြောဦးမလဲ မသိဘူး။
ကယ်ကြပါဦးဗျာ.ကျွန်တော့်ကို မကယ်နိုင်ကြ တော့ဘူးလား။
"အင်း..ဟုတ်"
"သြော်..မနီရယ်.."
ကျွန်တော် တော်တော်ကြီးကိုစိတ်ညစ်နေပါသည်။ ထိုအချိန်တွင် ..၀ုန်းကနဲ့
အသံကြားလိုက်ပြီး ကျွန်တော် လန့်နိုးသွားပါသည်။ လှမ်းကြည့်လိုက်တော့
ငတိုး ဆိုတဲ့ ကြောင် ခုန်ချလိုက်တာပါ။
သြော်..တော်သေးတာပေါ့။ ကြောင် ကယ်ပေလို့..။
သတိရလိုက်ပြန်ပါသည်။ နတ်သမီး…သူလုပ်တာ..သူ့ကြောင့်..။ ဟုတ်တယ်..။
နောက်တစ်ခွက် ရေသောက် ရပြန် ပါသည်။ ပြီးတော့ သေးပေါက်ရပြန်ပါသည်။
ဒုက္ခ..ဒုက္ခ..။ ဆုတောင်းမှားခဲ့လေသလား..အချစ်ရယ်..။ သီချင်းကို Hip Hop
သံစဉ်သွင်းပြီး အော်ဆိုလိုက်ချင်ပါတော့သည်။နာရီကို မော့ကြည့်လိုက်တော့ ည
(၂) နာရီကျော်နေပါသည်။ ဆက်အိပ်ဦးမှ မနက်ကျရင် သွားစရာတွေ ရှိသေးတယ်။
အိပ်မက် (၃)
အမှတ်မရှိပါ ဆက်အိပ်မိပြန်တော့ တတိယအိပ်မက်ကို ထပ်မက်ပါသည်။ နောက်ဆိုရင်
အိပ်စက်ခွင့်ကို နတ်သမီး ဆီမှာ မတောင်းတော့ပါဘူးဗျာ..။ တစ်ကယ်ပါ..။ လူကို
ပျော်အောင်မထားဘူး။ လိုချင်တာ မပေးဘဲ.. မလိုချင်တာတွေပဲ
လာပေးနေတယ်..တစ်ကယ်..။
ဒီတစ်ခေါက်ရောက်နေတာက
အခန်းတစ်ခန်းထဲမှာပါ..။ဘယ်လို..ဘယ်လိုရောက်နေမှန်းလည်း မသိပါဘူး။
ဘယ်သူမှလည်း မရှိဘူး။ ဘယ်သူ့ဧည့်ခန်းလဲ..ဘယ်ကဧည့်ခန်းလဲဆိုတာလဲ မသိပါ။
ဘယ်သူမှလည်း ထွက်မတွေ့ကြပါ။ ထိုင်ရတာကြာတော့ ပျင်းလာပါသည်။ သူ့ဘာသာသူ
အားအားယားယား လာထိုင်သလို ဖြစ်နေပါသည်။
"ငါ ဒီမှာလာထိုင်နေတာ အိမ်ရှင်တွေကမသိကြဘူးလား"
ကြာလာတော့ နောက်ကျောမလုံသလို ဖြစ်လာပါသည်။ ထွက်သွားရင်ကောင်းမလားဟု
တွေးနေမိပါသည်။ ထွက်သွားရင်ကော..လူမရှိတဲ့အိမ်ထဲကထွက်လာတာကို
တစ်ယောက်ယောက်က တွေ့သွားရင်..ဘယ်လိုလုပ်မလဲ။
ထိုင်နေရင်ကော..တစ်ယောက်ယောက်က ၀င်လာရင်..ဘယ်လို လုပ်မလဲ။
ကိုယ့်ကိုကိုယ် အပြစ်ကျူးလွန် သလို ခံစားလာရပါသည်။
ဘယ်လိုလုပ်ရမှန်းလဲမသိတော့ပါ။ ဘုရား..ဘုရား။
ထိုအချိန်တွင်..ခန်းစီး ပြတင်းဝမှ လေအေးတစ်ချက်က ဝေ့၀ိုက်
တိုက်ခိုက်လာပါသည်။ ထိုအခါ ကျွန်တော် လန့်နိုးသွားပြန်ပါသည်။
တော်ပါပြီဗျာ..မအိပ်တော့ပါဘူး။ ထွက်ထိုင်နေတာပဲ ကောင်းပါတယ်။ မနက်
လေးနာရီလည်း ထိုးနေပါပြီ။ မနေ့က တစ်မျိုး ဒိနေ့တစ်မျိုး
မရိုးနိုင်တော့ဘူး။ စိတ်ညစ်တယ်။
အခန်း (၄)
ဖုန်းလာတယ်ဆိုလို့ သွားကိုင်လိုက်ပါတယ်။ ဘယ်သူလဲမေးတော့ မဖြေပါ။
"ကိုကိုမှော်ဆရာလေးလား"
"ဟုတ်ပါတယ်..ခင်ဗျားဘယ်လိုသိတာလဲ။"
"အံ့သြနေတာလား။ မအံ့သြပါနဲ့နော်။ ညကအိပ်ပျော်ရဲ့လား"
"ဗျာ..ခင်ဗျားကဘယ်သူလဲ။ဒီအကြောင်းကို ဘယ်လိုသိနေတာလဲ"
"တို့ က နတ်သမီးလေ..ညက ဘာလို့အပြစ်တင်နေတာလဲ..နတ်သမီးကို"
"ဗျာ.."
"ဘယ်လိုလဲ…မှော်ဆရာလေး အံ့သြသွားတာလား"
"ဗျာ.."
"မဗျာနဲ့လေ..ညက အိပ်မပျော်ဘူးမလား"
"ဟုတ်တယ်။။ခင်ဗျား ဘယ်လိုသိလဲ။ ခင်ဗျားကို ကျွန်တော်မသိဘူး။"
"တို့ကို မှော်ဆရာလေးကသိပါတယ်။ ညကတောင် အိပ်ခွင့်တောင်းသေးတယ်လေ.."
"မှော်ဆရာလေး စိတ်တွေရော လတ်ဆတ်လန်းဆန်းရှိရဲ့လား"
"မရှိဘူး"
ကျွန်တော်၏ ဘုတော့သံကြောင့် တစ်ဖက်မှကောင်မလေးကရယ်ပါသည်။
"ကျွန်တော့်ကို မှော်ဆရာလေးလို့ မခေါ်ပါနဲ့ဗျ။နာမည်ရှိတယ်"
"သိတယ်လေ..ရန်နိုင်ပြည့်စုံထူး။ခေါ်ရတာရှည်လို့ "
"ဘာထူးလဲဗျ။ ကိုကိုမှော်ဆရာလေး လဲခေါ်ရတာ ရှည်တာပဲကို"
"အဲ့လိုပဲ ခေါ်ချင်တယ်"
"အင်း..မှားတော့မှားနေပြီ။ ကျွန်တော့်အသိထဲကများလား"
"မဟုတ်ပါဘူး။ ဒို့ကို မှော်ဆရာလေး မသိသေးဘူး"
ကျွန်တော် စိတ်မရှည်ချင်တော့ပါ။အဲ့ဒါနဲ့ပဲ..
"လိုရင်းကိုပြောဗျာ။လုပ်စရာတွေ ရှိသေးတယ်"
"ဒီညလဲ လာခဲ့ဦးမယ်လေ။ မှော်ဆရာလေးကို ကြိုပွိုင့် လုပ်ထားတာ"
"ဟာ..မလာနဲ့လေ.."
"ရဘူး။ လာမှာပဲ"
သွားပြီ။ ဖုန်းချသွားပါသည်။ ကျွန်တော်လည်း ဘာလုပ်၇မှန်း မသိတော့ပါ။
အခန်း (၅)
"ဟေ့ကောင် ပြည့်စုံ "
"ရောက်တာကြာပြီလား။မင်း လက်ဘက်ရည်ဆိုင်ဘက်ထွက်သွားတယ်လို့ မင်းအမေ
ပြောလို့ လိုက်လာတာ"
"အေးကွာ..ငါလည်း ပျင်းပျင်းရှိလို့ လာထိုင်နေတာ။ ဘာသောက်မလဲ"
"ကေသီပန်"
"ဘာကွ"
"မှားလို့..ကျဆိမ့်"
"ဘာကိစ္စလဲ"
"ဒီကောင်ကွာ..ကျော်စွာပေါ့။အိမ်က မိန်းမပေးစားနေလို့"
"ယူလိုက်ပေါ့ကွ။ ငါ့လာပြောနေရသလား"
ဒီကောင်တွေ လာလိုက်ရင် ဘာမှန်းလည်း မသိဘူး။ ဒီလို ကိစ္စမျိုးတွေကြိးပဲ။
အဲ့ဒါ ကျွန်တော်နဲ့ ဘာဆိုင်လို့လဲ။ တင့်ဆန်းက ၀င်ပြောပါသည်။
"ချစ်သူ ရည်းစားလေးဘာလေး ရှာမလားလို့ တွေးပြီး မင်းကိုလာရှာတာ"
"ရှာပေါ့ကွ။ငါနဲ့ အလွတ်ကြီးဟာကို"
"မဟုတ်ဘူးလေ။မင်းက ဒီကိစ္စတွေမှာ ကျွမ်းကျင်တယ်လေ"
"ဟာ..မဆိုင်တာ..ငါ့မှာတောင် ရည်းစားမရှိတာ..ဘယ်လိုလုပ်ဖြစ်နိုင်မှာလဲ"
"ဟာ..အဲ့လိုပြောတာမဟုတ်ဘူး။ မင်းဆီက အကြံဥာဏ်လေးများ ရမလားလို့"
"ရှာလေ..မိန်းမ မရှားပါဘူး"
"မိန်းမ မရှားပေမယ့် ချစ်သူရည်းစားရဖို့ ရှားတယ်ကွ"
စိတ်ညစ်တယ်။ လူကို ဘာများမှတ်နေလဲ မသိပါဘူး။ ဒါမျိုးတွေကြီးပဲ
တွေ့တွေ့နေရတယ်။စကားတွေက အပျော် သဘောမှ အလေးအနက်သဘောဆီသို့
ရွေ့လျားလာပါသည်။ မင်းကို က အခုမှ ၀င်ပြောပါ တော့သည်။
"ငါတို့အားလုံး မင်းနဲ့တွေ့မှ ဖြစ်မယ်လို့ ဆုံးဖြတ်ပြီး မင်းကို လာရှာတာကွ"
"ဘုရားရေ..သောက်တော်ရေ..ဘယ်လိုဖြစ်ရတာတုန်း"
"မင်းက ကဗျာဆရာလေကွာ။ အွန်လိုင်းပေါ်မှာလဲ မေတ္တာရေးရာ ကိစ္စရပ်တွေကို
တာဝန်ယူ ဖြေရှင်း ပေးနေတာလေ။"
"ငါတို့ထက်ပိုပြီး နားလည်တယ်လေ.."
အားလုံးက တစ်ယောက်တစ်ပေါက် ၀င်ပြောပါသည်။သက်ပြင်းကိုပဲ ပိုက်ဆံမပေးရလို့
ပြင်းပြင်း ချလိုက်မိပါသည်။ ပြီးမှ..
"ကဲ.ပြော၊ဘာကို သိချင်တာလဲ"
"သူကကွာ…အိမ်ကပေးစားတာကို မယူချင်ဘူး။ရှာကြည့်ချင်တယ်။အဲ့ဒါ
ဘယ်လိုလုပ်ရမလဲ။တွေ့နိုင်လား ဆိုတာ သိချင်လို့ဟေ့။မင်းက သူများ
စိတ်ကိုလည်း သိတယ်ဆိုတော့ သိများ သိနိုင်မလား လို့ကွာ"
"အေး …ဟုတ်တယ်။ငါဖြစ်ချင်နေတာ အဲ့ဒါပဲ"
အခုမှ ကျော်စွာက ပြောပါသည်။ မင်းကိုတွေ့ချင်တာ အဲ့ဒါပဲလို့လည်း ပြောပါသည်။
"ဒီနေ့တော့ ပြန်တော့မယ်ကွာ..ငါ့ စိတ်တွေ နည်းနည်းထွေနေတယ်
မပြောချင်သေးဘူး။မင်းတို့ နက်ဖန်လာခဲ့"
ဟု ပြောပြီး အိမ်ကို ပြန်ခဲ့ပါတော့သည်။
အိမ်ရောက်တော့.. သားရေ..ဖုန်းလာနေတယ်။လို့ အမေကပြောပါသည်။
"မှော်ဆရာလေး"
"ဟိုနေ့က ကောင်မလေး…နတ်သမီးဆိုတဲ့ ကောင်မလေး"
"ဟုတ်တယ်လေ"
"ပြော..ဘာကိစ္စလဲ"
"ပြည့်စုံ မရှက်ဘူးလား"
"ဗျာ..ဘာကို ကျွန်တော်က ရှက်ရမှာလဲ"
"ကိုယ်ဖြင့် ဘာမှ မသိသေးပဲနဲ့ သူများတွေကို ဆရာကြီးလုပ်နေတာ"
"ဘာလဲဗျ..ကျွန်တော် နားမလည်ဘူး"
"ကိုယ်တိုင်ဖြင့် အချစ်အကြောင်း ဘာမှ မသိပဲနဲ့ သူများတွေကို လျှောက် အကြံပေးနေတာလေ"
"ဟမ်"
"ဒီနေ့လေ..ပြည့်စုံ လပ်လျားလပ်လျားလုပ်နေတာလေ.."
"ခင်ဗျား နဲ့ ဘာဆိုင်လို့လဲဗျ။ကျွန်တော်လုပ်နေတာကို ဘာလို့ သိနေတာလဲ။
ခင်ဗျားကရော ဘယ်လို သိနေတာလဲ"
"အလိုလို သိနေတာလေ..မယုံဘူးလား"
"မဖြစ်နိုင်တာ"
"ဟုတ်တယ်..တွေးမနေနဲ့။တို့က ပြည့်စုံအသိထဲကမဟုတ်ဘူး။ ပြည့်စုံ
သူငယ်ချင်းတွေနဲ့လဲမသိဘူး။"
"အင်း..တစ်ခုခုတော့မှားနေပြီ"
"ဘာမှလျှောက်မတွေးနဲ့။ တို့က မှော်ဆရာလေးဘာဖြစ်နေတယ်ဆိုတာတွေ
အကုန်သိတယ်။အခုတောင် ခရီးသွားချင်နေတယ် မဟုတ်လား ၊ အဲ့ဒါလည်း
တို့ကသိတာပဲ၊ဖုန်းချလိုက်တော့မယ်နော်..တာ့တာ"
"ခဏနေပါဦး။ ခင်ဗျားက ဘယ်သူလဲ"
"တို့က အကြားအမြင်လည်း မဟုတ်ပါဘူး။ဗေဒင်ဆရာမလည်းမဟုတ်ဘူး။တဖြည်းဖြည်းတော့
သိလာမှာပါ။တို့က နတ်သမီးလေ..ခစ်..ခစ်"
ဖုန်းချသွားပါသည်။
အခန်း (၆)
မေးခွန်းတွေ..မေးခွန်းတွေ.အများကြီးပဲ..ကျွန်တော်ရှေ့မှာ
ဝိုင်ဝိုင်းလည်နေပါသည်။ဘာမှမစဉ်းစားချင်တာနဲ့
စက်ဘီးလေးကို ထုတ်ပြီး ဆိပ်ကမ်းဘက်ထွက်လာပါတော့သည်။ဆိပ်ကမ်းဘက်မှာ
ထိုင်နေရင်း ကြည့်မိကြည့်ရာ လျှောက်ကြည့်နေမိပါသည်။
ပြန်ရောက်ရင် တစ်ခုခုက စောင့်မျှော်နေသည် ဆိုတာကို စိတ်ထဲမှ အလိုလို
သိလာပြီး မပြန်ဘဲနှင့် သူငယ်ချင်း
မိန်းကလေးမှန်သမျှကို ဖုန်းတွေဆက်..အိမ်တွေလျှောက်လည်ပြီး
လျှောက်မေးကြည့်ပါသည်။ ဘယ်သူမှ မဟုတ်ပါ။
ငါဟာ..မင်းလက်ခုပ်ထဲက ပန်းပေါ့..
ပန်လိုပန်..နမ်းလိုက နမ်းပါ။
မင်းကတော့ ငါ့လက်ခုပ်ထဲမှာ..
သမုဒ္ဒရာ……။
ဖြေရပါဦးမည်။ ပေါက်ကရမေးခွန်းတွေကို..
နေညို။ ။ကိုကိုမှော်ဆရာလို ကျွန်တော်က စာပေရေးသားမှုမှာမကျွမ်းကျင်ပါ။
ရည်းစားစာ ဘယ်လို ရေးရမလဲ ညွှန်ပြပေးပါခင်ဗျာ။
ကိုကိုမှော်ဆရာ။ ။စာရွက်ပေါ်မှာ ဘောပင်ကိုထောက်ပြီး ဘယ်ဘက်ကနေ ညာဘက်ကို ရေးသွားပါ။
ရုံးပတေသီး။ ။ ဆရာမှော်..တစ်ရုံးထဲရှိနေတဲ့အကိုကြီးက ကျွန်မကို ချစ်နေတာ
ညဘက်တွေတောင် အိပ်လို့ မရဘူးပြောနေပါတယ်။ အဲ့ဒါ ပြန်ကြိုက်သင့်သလား
ဖြေကြားပေးပါနော်။
ကိုကိုမှော်ဆရာ။ ။သေချာစဉ်းစားပါညီမရယ်။ ညဘက်အိပ်မရအောင်
ဘောလုံးပွဲကြည့်နေလားမှ မသိတာ..။ နေ့လည်ဘက်တွေမှာ ခိုးခိုးအိပ်နေလား
စောင့်ကြည့်လေ။ သေချာလေ့လာပါဦး။ စားပွဲချင်းနီးရင်.. ဟောက်သံတောင်
ကြားရနိုင်ပါတယ်။
ယဉ်ကျေး။ ။အကို မှော်ဆရာရှင့်။ ယဉ်ကျေးမှာ ချစ်သူရှိပါတယ်။ အခု
နောက်တစ်ယောက်ကလည်း ယဉ်ကျေး ကို နှစ်သက်နေပါတယ်။ သူ ချစ်နေတဲ့ပုံကိုလည်း
ယဉ်ကျေး ခံစားလို့ရပါတယ်။ ဒါပေမယ့် ဆရာရယ်..နောက်တစ်ယောက်ကိုတော့ ယဉ်ကျေး
သံယောဇဉ်ရှိပါတယ်။ အခင်မင်လည်း မပျက် ချင်ပါဘူး။ သူကို ယဉ်ကျေးမှာ
ချစ်သူရှိကြောင်း ရှင်းပြတော့ သူကလက်ခံပါတယ်။ ဒါပေမယ့် သူ့ဘက်ကမလျော့ဘူး။
အိမ်ထောင်မကျမချင်း သူ့မှာ ကြိုးစားခွင့်ရှိတယ်လို့ပြောပြီး
ရိုးသားစွာနဲ့ ကြိုးစားနေဆဲပါ။ အဲ့ဒါ ယဉ်ကျေး ဘာဆက်လုပ်ရမလဲ..ညွှန်ပြပါဦး
အကို မှော်ဆရာရှင့်။
ကိုကိုမှော်ဆရာ။ ။ယဉ်ကျေးရေ..။ ညီမလို အဖြစ်မျိုးက လောကမှာ ဘယ်တော့မှ
မရိုးတဲ့ ဇာတ်လမ်းရိုးရိုးလေးပါ။ အကိုမှော်ဆရာကပဲ
ညွှန်ပြရမယ်ဆိုရင်..ဒီလိုလုပ်ပါနော်။
(၁) ယဉ်ကျေးအနေနဲ့ သေချာရှင်းပြပါ။ အခင်အမင်လည်း မပျက်ချင်ဘူးဆိုရင်
နားလည်မှု တစ်ခုခုကို ရအောင်ယူလိုက်ပါ။ နှစ်ဦးနှစ်ဖက်ကျေနပ်ပြီး
နောက်ဆုံးရလာဒ်ကို လက်ခံနိုင်မယ့် အခြေအနေမျိုးပေါ့ကွာ..။
(၂) ယဉ်ကျေးဘက်ကလည်း သေချာတဲ့ ကတိတစ်ခုခုပေးလိုက်ပါ။ ပြီးမှ
ကတိတစ်ခုခုကို ပြန် တောင်းပါ။ နားလည်မှု ရှိတဲ့သူဆိုရင် လက်ခံပါလိမ့်မယ်။
နားလည်မှုမရှိတဲ့သူဆိုရင်တော့ ၀မ်းနည်းစွာပဲ စွန့်ပစ်လိုက်ပါ။
(၃) နှစ်ဦးနှစ်ဖက် လက်ခံလို့ရမယ့်အခြေအနေတစ်ခုခုရှိလို့ ညီမလေးအနေနှင့်
လက်ခံပေးနိုင်မယ် ဆိုရင် လက်ခံပေးလိုက်ပါ။ ရည်ရွယ်ချက်ကိုတော့ သေချာ
ရှင်းပြပေးထားပါ။ စေတနာမှန်ရင် ရောင်ပြန်ဟပ်ပါတယ် ညီမငယ်။
ဖူးစာဆိုတာကလည်း မမြင်နိုင်တဲ့အရာဆိုတော့ ဘာကိုမှ တရား
သေတွက်လို့မရပါဘူး။
ပီတိ။ ။ ဆရာတော်..အဲလေ..ဆရာမှော်ဆရာခင်ဗျား။ ကျွန်တော်
ချစ်နေရတဲ့ကောင်မလေး တစ်ယောက် ရှိပါတယ်။ အခုဖြစ်နေတာက သူက ကျွန်တော့်ကို
အနားတောင် အကပ်မခံတော့ဘူးဖြစ်နေပါ တယ်။ကျွန်တော်လုပ်မိတာက နင့်ကို ငါ
ရအောင်ယူမယ်လို့ပြောလိုက်မိလို့ပါ။ အဲ့ဒါ အဆင်ပြေ အောင် ကူညီပါဦးခင်ဗျာ။
ကိုကိုမှော်ဆရာ။ ။ ညီတော်..ပီတိရေ..။မင်းကလည်းကွာ..အဲ့လိုပြောရလားကွ။
မိန်းကလေးဆိုတာ အဲ့လို တုံးတိတိကြီးသွားပြောရင်တော့ စိတ်ဆိုးမှာ
အမှန်ပါပဲ။ ဒီလိုလုပ်ပါကွာ..။ရိုးရိုးသားသား သွားပြီး တောင်းပန်လိုက်ပါ။
စိတ်ပြေသွားရင် နောင်အဲ့လို မပြောတော့ပါဘူး လို့လဲ ကတိပေးလိုက်ပါ။
အဆင်ပြေသွားပြီ ဆိုမှသာ ငါ့ကို နင်ရအောင်ယူလို့ပြောလိုက်ပါ။
ကောင်းရောပေါ့ နော်..။ဟဲ..ဟဲ။
ဟန်နီ။ ။ ဆရာမှော်ရှင့်။
ညီမလေးရဲ့ချစ်သူဟာ.အရက်သောက်တက်ပါတယ်။ညီမလေးကလည်း အဲ့ဒါကို
လုံးဝမကြိုက်ပါဘူး။ ခုနောက်ပိုင်း ဘယ်လိုဆေးကောင်းဝါးကောင်းတွေရထားလဲ
မသိပါဘူး။သူ အရက်သောက်ထား..မထားကို လုံးဝအကဲခပ်လို့မရတော့ပါဘူး။ ဆရာမှော်
တက်သိနားလည်မယ် ဆိုရင်.ညီမလေးကို ပြောပြပါဦးရှင့်။
ကိုကိုမှော်ဆရာ။ ။အင်း..အဲ့လို ဆေးကောင်းဝါးကောင်းတွေ ကျွန်တော်တောင်
စိတ်ဝင်စားလာပြိ။ ထားပါ.. အဲ့ဒါတွေ။ လွယ်လွယ်လေးပါ
ညီမငယ်ရေ..။ဒီလိုရွတ်ခိုင်းလိုက်ပါ။ ပီပီသသ မရွတ်နိုင်ရင်
ကောင်းနေပြီလို့သာ မှတ်လိုက်ပါ။ ဆရာမှော်ကပြောတယ်လို့တော့
သတင်းမပေးနဲ့နော်။ လာရိုက်နေဦးမယ်..။ဟဲ..ဟဲ။ တောင်ပေါ်ကရှမ်းကလေး
လျှော်ထမ်းလို့ပြေး..တိုတဲ့လျှော်ကတို.. ရှည်တဲ့လျှော်ကရှည်။ ရွံ့ပေါ်
ရှဥ့်ပြေး….ရှဥ့်မွှေး..ရွံ့မလူး…လို့လေ..။အဆင်ပြေမှာပါ..။ သေချာတယ်..။
ချစ်ငယ်။ ။ ချစ်ခင်ရပါသော..ကိုကိုမှော်ဆရာ..။
ကိုကိုမှော်ဆရာ။ ။ ဗျာ
ချစ်ငယ်။ ။ ချစ်ငယ်မှာလေ..အပျိုကြီးတစ်ယောက်ရှိတယ်..သိလား။
ကိုကိုမှော်ဆရာ။ ။ အင်း…ရန်ကုန်မှာလည်း ပြတိုက်တွေ ရှိပါတယ်။
ချစ်ငယ်။ ။ အချစ်အကြောင်းကို လုံးဝ စိတ်မ၀င်စားဘူး။
ကိုကိုမှော်ဆရာ။ ။ ဒီလိုပဲ ပြောရတော့မှာပေါ့ကွယ်..။
ချစ်ငယ်။ ။ ဘယ်လိုပြုပြင်ရမလဲလို့ အကြံပေးပါဦး။
ကိုကိုမှော်ဆရာ။ ။ ဒီအတိုင်းပဲထားလိုက်ပါကွယ်။ ကြီးမှ ၀က်သက်ပေါက်ရင်
ပိုကြောက်ရတယ်။
ပုံကောင်း။ ။ ဆရာမှော်ခင်ဗျာ..အချစ်နဲ့ပတ်သတ်ပြီးတစ်ခုခုကို သေချာ
သိချင်ပါတယ်။ ရှင်းပြပေးပါနော်..။
ကိုကိုမှော်ဆရာ။ ။သေချင်တာပဲဗျာ..။ ကဲပါလေ..အမေးရှိမှတော့
အဖြေလည်းရှိရတော့မှာပေါ့။ ကိုပုံကောင်း ကို ပုံပြင်တစ်ပုဒ် ပြောပြမယ်။
ပုံပြင်လေးပြီးသွားရင် ကျွန်တော်တောင်ရှင်းပြဖို့မလိုတော့ပါဘူး။
ပုံပြင်ကလေး နာမည်က "အခြမ်း" တဲ့။
ဟိုးရှေ့ရှေ့တုန်းက ဆိုတော့ ကမ္ဘာဦးတုန်းက ဖြစ်မယ်ထင်တယ်။ လူသားတွေဟာ
အစုံလိုက်ကလေးတဲ့။ ခေါင်းက
နှစ်လုံး။ လက်က လေးချောင်း၊ ခြေထောက်ဆိုရင်လည်း လေးချောင်းရှိတယ်။
မျက်လုံးဆိုရင်လည်း လေးလုံးရှိတာပေါ့။ မျက်လုံးနဲ့ မြင်ယောင် လာအောင်
ပြောရရင် လူနှစ်ယောက် မျက်နှာချင်းဆိုင် ကပ်နေတဲ့ ပုံလေးပေါ့နော။
အဲဒီမှာတစ်နေ့နတ်တွေဟာ လူသားတွေကို အကြောင်းပြုပြီး
အစည်းအဝေးထိုင်ကြတယ်။ သူတို့ကလူသားတွေကို ကြောက် နေကြတယ်။ အဲဒီမှာ
နတ်မင်းကြီးက စကားတစ်ခွန်း ပြောတယ်။ ဘယ်လိုပြောလဲဆိုတော့ မောင်မင်းတို့
အခု ဒို့အောက်က လူသားတွေ အကြောင်းကို ပြောကြရအောင်ကွာတဲ့။ ဒီလူသားတွေဟာ
လျော့တွက်လို့ရတဲ့ သတ္တ၀ါတွေ မဟုတ်ဘူးတဲ့။ တကုတ်ကုတ်နဲ့ ဘာတွေ
လုပ်နေကြမှန်းကို မသိဘူး။ တစ်နေ့နေ့တစ်ချိန်ချိန်မှာ ဒို့ နတ်ပြည်ကို
လာသိမ်းသွားမှာကိုတောင် ထည့်တွက်နေရတယ်။ မသိမ်းဘူး မတိုက်ခိုက်ဘူးလို့
ပြောလို့မရဘူးတဲ့. ဒါကြောင့် ဒီလူသားဆိုတဲ့ ကောင်တွေကို အခုကတည်းက
တစ်ခုခု လုပ်ထားရရင် ကောင်းမယ် လို့ နတ်မင်းကြီးက စပြီး ပြောလိုက်တယ်။
အဲဒီတော့ နတ်တစ်ပါးက ဒီလိုပြောလိုက်တယ်။ ကျုပ်တို့အတွက်
အန္တရာယ်ရှိနိုင်တယ်ဆိုရင် အခုကတည်းက ဒီ လူသား မျိုးနွယ်တွေကို
အပြတ်ရှင်းပစ်လိုက်တာ ကောင်းတာပေါ့လို့ အကြံဥာဏ်ပေးလိုက်တယ်။ အဲဒီတော့
နတ်မင်းကြီးက ဘာပြန် ပြောသလဲ ဆိုတော့ ဟာ... အဲဒီလိုတော့ လုပ်ပစ်လိုက်လို့
မရဘူးကွ။ ငါတို့ကို ခစားမယ့်လူတွေ မရှိဖြစ်သွာမှာပေါ့။ အခိုင်းအစေတွေ
မရှိဖြစ်သွားမှာ ပေါ့။ မင်းဥာဏ်နည်းလှချည်လားလို့ ခပ်ဟောက်ဟောက်
ပြန်ပြောလိုက်တယ်ဆိုရင်ပဲ အဲဒီနတ်သားလေးက ခေါင်းပု သွားတယ်။အဲဒီတော့
နည်းနည်း ဥာဏ်ကောင်းမယ့် ပုံရှိတဲ့ နတ်သားတစ်ပါးက ထပြောတယ်။
ကျွန်တော်တို့ကို လူသားတွေက မတော်လှန်စေချင်တာမဟုတ်လား။ အဲဒီတော့
လွယ်ပါတယ်။ ဒီလူသားတွေကို အင်အားမကြီးအောင် လုပ်ပစ်လိုက်ရုံပေါ့လို့
ပြန်ပြောလိုက်တယ်။(အဲ့တုန်းက နတ်သားဟာ..ကျွန်တော်ထင်ပါတယ်..ကျွန်တော်လို့
ထင်ပါတယ်..ဟဲ..ဟဲ)
အဲဒီတော့ နတ်မင်းကြီး ပြန်မေးလိုက်တယ်။ လူသားတွေ အားနည်းသွားအောင် ဘယ်လို
လုပ်ရမလဲလို့ ပြန်မေးလိုက်တယ်။ အဲဒီမှာ အစောန နတ်မင်းက
ခေါင်းလေးမေ့ာလိုက်တယ်။ ငါကွဆိုတဲ့ ပုံလားတော့ မသိဘူး။ ပြီးမှ
ပိုင်နိုင်တဲ့ လေသံနဲ့ လွယ်ပါတယ် နတ် မင်းကြီးရယ်
လူသားတွေကိုအားနည်းသွားစေချင်တယ်ဆိုရင် လူသားတွေကို တစ်ခြမ်းခွဲပြီး
စကြာဝဠာကြီးရဲ့ ဟိုဘက်ဒီဘက်ကို တစ် ဘက်တစ်ခြမ်း လွင့်ပစ်လိုက်ပေါ့လို့
ပြန်ဖြေလိုက်တယ်။ သူ့ရဲ့ အကြံပေးတာကို ကျန်တဲ့
နတ်သားတွေကလည်းထောက်ခံလိုက်ကြတယ်။
နတ်မင်းကြီလည်း သဘောကျသွားတယ်။ ပြီးတော့မှ နတ်မင်းကြိးက
အဲဒီလို လုပ်ဖို့ အမိန့်ချလိုက်တယ်။ အဲဒီတော့မှ နတ်တွေက တန်ခိုးနဲ့
လူတွေကို တစ်ခြမ်းဆီ ခွဲထုပ်ပစ်လိုက်တယ်။ ပြီးတော့ စကြာဝဠာကြိးရဲ့
ဟိုဘက်ထိပ်မှာ တစ်ခြမ်း ဒီဘက် ထိပ်မှာ တစ်ခြမ်းလွင့်ပစ်လိုက်ကြတယ်။
အဲဒီနေ့က စပြီး လူသားတွေဟာ သူတို့ရဲ့ အခြမ်းလေးတွေကို
လိုက်လိုက်ရှာနေကြတော့တာပေါ့။
ကိုယ့်အခြမ်းလေးကို ကိုယ်ပြန်လိုက်ရှာကြတဲ့နောက်ပိုင်းမှာ
တစ်ချို့ကလည်း ကိုယ့်ရဲ့ စစ်မှန်တဲ့ အခြမ်းလေးကို ပြန်တွေ့ ကြတယ်။
တစ်ချို့ကလည်း မတွေ့ကြဘူး။ တစ်ချို့ကလည် ကိုယ့်အခြမ်းမှတ်လို့ ၀မ်းသာနေတာ
တကယ် အတူနေတာ ကြာလာမှ ကိုယ့်အခြမ်း မဟုတ်မှန်း သိလိုက်ပြိး
ပြန်ကွဲသွားကြပြန်တယ်။
အဲဒီလိုပဲ လောကကြီးမှာ လူသားတွေဟာ သိတတ်တဲ့အရွယ်ကစပြီး
ကိုယ့်ရဲ့အခြမ်းကို ပြန်လိုက်ရှာတဲ့ တာဝန်တစ်ခုကို မဖြစ်မနေ
ထမ်းဆောင်နေကြရတာပေါ့။ ချစ်သူရှာတယ်၊ အိမ်ထောင်ဘက် ရှာတယ်ဆိုတာ
ကိုယ့်အခြမ်းကို ကိုယ်ပြန်ရှာနေကြ တာတဲ့။ တစ်ချို့ကလည် တစ်ခါတည်း
တွေ့သွားကြတယ်။ အဲဒီတော့ ငယ်လင်ငယ်မယားပေါ့။ ငယ်ငယ်လေးကနေ အသက်ကြီးလို့
သေတဲ့နေ့ အထိ တစ်ယောက်ဆိုတစ်ယောက် နဲ့ ဘ၀ခရီးသွားဖြစ်ကြတယ်။
တစ်ချို့တွေကြတော့ကိုယ့်ရဲ့ကမ္ဘာဦးကအခြမ်းလေးကိုနှစ်ယောက်မြောက်ကြမှတွေ့ကြတယ်။တစ်ချို့ကြတော့သုံးယောက်မြောက်၊
တစ်ချို့ကြတော့ ၄-ယောက်၊ ငါးယောက်၊ ခြောက်ယောက်မြောက် အစရှိသည်နဲ့
ပြန်တွေ့ကြရတယ်။ ကျွန်တော့်ရဲ့ အကိုကြီးက တော့ ၆-ယောက်မြောက်ကြမှ သူ့ရဲ့
စစ်မှန်တဲ့ အခြမ်းလေးနဲ့ ပြန်တွေ့ပြီး အခုတော့ အေးအေးချမ်းချမ်း
နေထိုင်နေလေရဲ့။ ကျွန်တော့ရဲ့ အဒေါ်ကြီး တစ်ယောက်ကတော့ ရှာရင်းရှာရင်း
မတွေဖြစ်ပဲ မနှစ်ကပဲ အသက်(၆၀)မှာ ဆုံးသွားရှာတယ်။ ကျွန်တော် လည်း
လိုက်ရှာနေတာ အခုဆို အသက် (၃၀)တောင် ကျော်နေပြီ။ အခုထိ
မထူးခြားသေးပါဘူးဗျာ(ကြော်ငြာ)
ဘယ်လိုပဲဖြစ်ဖြစ် ကိုယ့်ဆီမှာ လတ်တလောတွေ့နေရတဲ့
ကိုယ့်ရဲ့အခြမ်းလေးတွေကို ကောင်းကောင်းတန်ဖိုးထားကြစေချင်တယ်။
စစ်မှန်သည်ဖြစ်စေ၊ မှားနေသည်ဖြစ်စေပေါ့။ ဘာကြောင့်လည်းဆိုတော့ ကိုယ်က
မှားနေတယ်ထင်ပြီး လမ်းခွဲလိုက်တာ ကိုယ့်အခြမ်း အစစ်အမှန်လေး ဖြစ်နေရင်
ဒုက္ခနော်။
ခင်ဗျားလည်း အခြမ်းရှာပုံတော် ဖွင့်ပေတော့ဗျာ..။ ဟုတ်ပြီလား။
စာရေးပြီးသွားတော့ ည (၁၁) နာရီထိုးပြီးသွားပါပြီ။
အိပ်လို့လည်းမရသေးပါဘူး။ ဟိုတစ်နေ့က ဗေဒင်ဆရာကို စိတ်ထဲတွင်
မြင်လိုက်ရပါသည်။ အင်း..ငါ့ကိုတော့ ရှာနေပြီထင်တယ်လို့တွေးလိုက်မိပါသည်။
ထိုစဉ်..အသံတစ်သံ ကြားလိုက်သဖြင့် နားစွင့်ကြည့်ရာ…..ဖုန်းသံ..သေချာတယ်။
ဒီအချိန်ကြီးကို..။
အောက်ဆင်းပြီး ဖုန်းကောက်ကိုင်လိုက်ပါသည်။
"ဟယ်လို"
"ဟိတ်..စာရေးပြီးသွားပြီလား။ အခြမ်း ပုံပြင်လေး ကောင်းတယ်နော်။"
"ဗျာ..ခင်ဗျား ။ဟိုတစ်နေ့က.."
စကားမဆုံးပါ..။ သူမက ပြောလာပါသည်။
"ဟုတ်တယ်လေ..ဘာဆန်းလို့လဲကွာ..ကိုကို့ကို ဒီက သိနေတာပဲကို.."
"ခင်ဗျား နာမည် ဘယ်လိုခေါ်လဲ..ဘယ်မှာနေလဲ။"
"ကိုကို သိတော့ရော..ဘာထူးမှာမို့လဲ။ နာမည်က နတ်သမီးလေ..သိရက်သားနဲ့။"
"ဒီနေ့ရော..ဘာတွေ သိနေပြန်ပြီလဲ"
"သိတာပေါ့..ကိုကို ပြည့်စုံက သူငယ်ချင်းမိန်းကလေးအိမ်တွေသွားပြီး
စနည်းနာတာတွေ..ဖုန်းတွေ လျှောက်ဆက်နေတာတွေ..အကုန်သိတယ်..ခစ်..ခစ်။"
"တယ်သိနေပါလား။ တခြားရော..ဘာတွေ သိနေသေးလဲ။ပြောပါဦး။"
"လာမယ်လေ..ဖြေးဖြေးပေါ့။ ဖုန်းချလိုက်တော့မယ်နော်။"
"ခဏ..ခဏ.နေပါဦး။"
ဖုန်းချသွားပါသည်။ ဖုန်းနံပါတ်တွေကလည်း တစ်နေ့တစ်မျိုးဆိုတော့
ဖမ်းလို့ကလည်း မရနိုင်ပါ။ ဟူးးးးးးးးးးးး…။
မင်းကိုယ့်ကိုယ် စိုးမိုးလှချည်လား..နတ်သမီး..။ သေချာတယ်…ကိုကို မင်းကို
စိတ်ဝင်စားသွားပြီ။
အခန်း (၇)
ခေါ်သံကြားလိုက်လို့လှည့်ကြည့်လိုက်တာ..ဘယ်သူမှရှိမနေပါ။ဒီနေရာကြီးမှာလူမှားခေါ်စရာလည်းမရှိပါ။
မှားစရာ လူလည်းမရှိပါ။ လူလည်းမရှိပါ။ ခေါ်သံကိုသာ ကြားလိုက်ရတာပါ..။
လူလည်း အူလည်အူလည်နှင့် ဖြစ်နေရပါသည်။ လှမ်းကြည့်လိုက်တော့
ဝန်းကျင်တစ်ခုလုံး ဘယ်သူမှ ရှိမနေပါ။
လူလည်း ရူးချင်လာပါသည်။ ဟူး။ စာမူသွားပေးဖို့ထွက်လာတာပါ။ အပြန်ကျရင်တော့
ရေးထားတဲ့ကဗျာလေးကို လက်စသပ်ရမယ်လို့ စဉ်းစားထားပါသည်။ လမ်းတစ်ဝက်အရောက်
ကားမှတ်တိုင်မှာ ကားစောင့်နေရင်း ကြားနေရတာပါ။
မယုံကြည်နိုင်ပါ..။ဘာတွေလဲ..။
ကြည့်မိကြည့်ရာ ကြည့်မိတော့ လမ်းတစ်ဘက်မှာ ကြွေဗေဒင်ဟောပေးနေသော
ဗေဒင်ဆရာမလေး တစ်ယောက်ကို တွေ့ရပါသည်။ ဘာရယ်မဟုတ်ပဲ လမ်းကူးလိုက်ပြီး
ကြည့်လိုက်တော့
နတ်သမီး ကြွေဗေဒင် လို့ ရေးထားတာကို တွေ့ရပါသည်။ နတ်သမီး ဆိုသော
နာမည်ကို စိတ်ဝင်စားသွားပြီး..
"တစ်ခါမေးရင်ဘယ်လောက်လဲ"
"၂၀၀ ကျပ်"
"ဟ များလှချည်လား"
"ကြိုက်မှ မေးပါ။ ၃ ခါမေးရင်တော့ ၅၀၀ နဲ့ရမယ်"
"စမ်းကြည့်မယ်လေ"
ဟု ပြောရင် ကြွေစေ့များကို ကောက်ကိုင်လိုက်ပါသည်။
"ဆရာမလေး မြင်တာကိုပဲ ဟောပါ..ကျွန်တော်ကတော့ ကြွေပစ်လိုက်ပါမယ်"
"မရဘူး။မေးခွန်းတစ်ခုရွေးပါ။"
"အင်း…ဒါဆိုရင်….ဒီနေ့ဘာဖြစ်မလဲ။ထူးထူးခြားခြားတစ်ခုပေါ့"
ကြွေစေ့များကို ပစ်ချလိုက်ပါသည်။ ဘယ်နှစ်ခုမှောက်ပြီး ဘယ်နှစ်ခု လှန်နေလဲ
ကျွန်တော်မကြည့်မိပါ။ ကျွန်တော် ကြည့်နေတာက သူ့မျက်နှာကိုပါ။
"ရှင်..အခုတစ်လော
ထူးခြားတာတစ်ခုခုကိုတွေ့ကြုံနေရတယ်။တွေ့ကြုံနေတာကြာပြီ.ထပ်ပြီးကြုံဖို့
လည်းရှိသေးတယ်"
"ဆက်ပြောဦးလေ..ဒါပဲလား။ ဘယ်လိုထူးထူးခြားခြားလဲ"
"အမျိုးသမီးတစ်ယောက်နဲ့ ပတ်သတ်နေတယ်။ သူက ရှင့်ကို သိတယ်။ ရှင်ကတော့ သူ့ကို မသိဘူး"
"အင်း…မှန်တယ်။ ထပ်သိချင်သေးတယ်"
"ကျွန်မ မြင်တာ အဲ့ဒါပဲ။ ထပ်သိချင်ရင် ထပ်မေးလေ.."
"ဗျာ..အဲ.။အင်း..ဟုတ်ကဲ့"
နောက်ထပ်တစ်ကြိမ် ကြွေစေ့များ ထပ်ပစ်လိုက်ပါသည်။ ပစ်ချပြီးသည်နှင့်
သူ့မျက်နှာကိုပဲ ထပ်ကြည့်နေမိပါသည်။ တော်တော်ချောတဲ့ ကောင်မလေးပဲ..။
ဘာလို့များ ဒီလို လမ်းဘေးမှာ ကြွေဗေဒင် ဟောစားနေရပါလိမ့်..။
"ကျွန်မပြောတာကြားလား။ ရှင့် စိတ်က ဘယ်ရောက်နေတာလဲ။ ရှင်နော်…"
"အဲ့ အင်း ပြန်ပြောပြပါ။"
"ရှင်နဲ့ သူ မကြာခင်မှာ တွေ့ဆုံဖို့ရှိတယ်။"
"ထပ်မေးမယ်….။ဘယ်လို ဆုံမှာလဲ"
"မဖြေတော့ဘူး"
"ဘာဗျ.။ခင်ဗျားကပဲ (၃) ခွန်းပြည့်အောင်ဟောရရင် ၅၀၀ ဆို.။၅၀၀
ဖိုးပြည့်အောင်မေးမယ်လေ.."
"ဒီနေ့အဖို့ ရှင့်ကို အဲ့မေးခွန်းကို ဆက်မဖြေတော့ဘူး။သိချင်ရင်
နောက်နေ့မှ လာမေးတော့။"
"ဟာ..ခင်ဗျားဟာကလည်း ဘယ်လိုလဲဗျ။ကျွန်တော်မေးတော့လည်း မဖြေဘူး။"
"မေးတိုင်း ဖြေပါမယ်လို့ ရေးထားလို့လား"
"တခြားဟာမေး"
"မမေးဘူး။အဲ့ဒါပဲ သိချင်တယ်။ ကြွေထပ်ပစ်မယ်"
"မဟောဘူး။ တခြားဟာမေးရင် ဟောမယ်။ အဲ့ဒါပဲမေးရင် မဟောဘူး"
"နေဗျာ..ရော့ ငါးရာ"
ဟုပြောပြီး ပိုက်ဆံ ၅၀၀ ကို ချပေးခဲ့ပြီး ပြန်လာခဲ့ပါသည်။ ထိုအချိန်တွင်
သူမက လှမ်းပြောပါသည်။
"အကြွေးမှတ်ထား နောက်နေ့မှ လာမေး"
ဘယ်လို ဗေဒင်ဆရာမလည်းမသိပါဘူး။ မှားပါတယ်..။ အဝေးမှ ပြေးလာသော
လိုင်းကားတစ်စီးက ကျွန်တော့်ရှေ့ မှာ မောမောပန်းပန်းနဲ့ ရပ်လိုက်ပါသည်။
စပယ်ယာ ခုန်ဆင်းလာပြီးတော့..
"လိုက်မလား..ခေမာသီကို ခေမာသီကို…"
ကားပေါ် ပြေးတက်လိုက်ပြီး လိုက်မိလိုက်ရာ လိုက်သွားပါသည်။ ခေမာသီပဲ
ရောက်ရောက်..မေဓါဝီပဲ ရောက်ရောက်..ရောက်ချင်ရာရောက်တော့ဗျာ..။
နတ်ပြည်ရောက်ရင်လည်း ပြီးတာပဲ..။ နတ်သမီးနဲ့ တွေ့ကြတာပေါ့။
အဲ..သူကဘယ်ဘုံမှာ ရှိလို့ ငါက ဘယ်ဘုံကိုရောက်မှာလဲ။
ဝေးနေကြရင်..အခုလို လိုင်းကားရော ရှိရဲ့လား မသိ။ တော်တော်ကြာ သူရော ငါပါ
နတ်သမီး ဖြစ်နေရင် ဘယ်လိုလုပ်မလဲ..။ တွေးကြည့်တာတောင် အဆင်မပြေပါဘူး။
ဟူး….။
အခန်း (၈)
"ဒါဆို မင်းဟာကြီးက ဘယ်လိုကြီးလဲကွ။ တစ်ယောက်ယောက်ကများ မင်းကိုနောက်နေတာများလား"
"ငါလည်းအဲ့လို ထင်နေတယ်..ဒါပေမယ့် မဟုတ်နိုင်ဘူး"
"မင်းဟာတွေကလည်း ရှုတ်ရှက်ခက်နေတာပဲကွာ"
ကျွန်တော်တို့ သူငယ်ချင်းတွေအားလုံးခေါင်းစားနေပါသည်။ အဖြေကို
ရှာလို့မရသေးပါ။ ကျွန်တော်လည်း စိတ်ရှုတ် လာပါသည်။ကျော်စွာကတော့
ရည်းစားရနေပါပြီ။ မင်းကို လိုက်နေတဲ့ ကောင်မလေးကလည်း အဖြေရကာနီးဖို့
ရောင်ခြည် သန်းနေပါသည်။
တင့်ဆန်းကတော့ ထုံးစံအတိုင်း အယ်ဒီတာလုပ်နေရင်း ရှုတ်နေတုန်းပါပဲ။
ကျွန်တောသာ ရှင်းရှင်းလေးနဲ့ ရှုတ်နေရတာပါ။ သပွတ်အူကကျွန်တော့်ဆီကိုမှ
ဆိုက်ဆိုက်မြိုက်မြိုက် ရောက်လာပုံ ရပါသည်။
ကျော်စွာက..
"ကဲ…ကဲ..ခေါင်းစားမနေနဲ့။ မင်းတို့တွေလည်း ကိုယ့်အလုပ်ကိုယ်လုပ်။
ငါလည်းလုပ်မယ်။ ပြည့်စုံ စာတွေစစ် အဖြေတွေရေးတော့။ နက်ဖန်ကျရင် မင်းက
ခုမေးခုဖြေ ကဏ္ဍ ကို ကိုင်ရဦးမယ်။"
"ပြန်ကြမယ်။"
"နေပါဦးကွ.."
"ပြန်မယ်ဟေ့ရောင်..ဒီည Website ထဲကို အသစ်တွေ တင်ရဦးမယ်။
ကိုယ့်တာဝန်ကိုယ်ကျေပါ ရဲဘော်"
ဘာမှ ဆက်ပြောလို့မရပါ။ အကုန်လုံး လမ်းပေါ်ရောက်ကုန်ပါပြီ။ ကျွန်တော်လည်း
အိမ်ပြန်ပြီး ရေးလက်စ ကဗျာ တစ်ပုဒ်ကို လက်စသပ်ရပါမည်။
မေးထားတာတွေ..ဖြေရဦးပါမည်။ ညတွင်းချင်း အပြီးတင်ထားရဦးပါမည်။
ဟူး..စဉ်းစားရခက်လိုက်တာနော်..။
အိမ်ကိုပြန်ေ၇ာက်တော့ …ကဗျာကို လက်စသပ်နေတုန်း ဖုန်းလာပါသည်။ မေမေက
ကျွန်တော့် ဖုန်းဟု ဆိုကာ အခန်းထဲသို့ လွှဲပို့လိုက်ပါသည်။
"ဟယ်လို"
"ကိုကို မှော်ဆရာလေး..ခေါင်းရှုတ်နေလား"
"ခင်ဗျားက သိနေပြန်ပြိလား။"
"အင်းပေါ့..ပြည့်စုံ ဘာပဲလုပ်လုပ် သိနေတာပဲ"
"ဒီနေ့ ကျွန်တော်ဘာလုပ်လဲ.ပြော"
"ဒီနေ့လား..ပြည့်စုံ ဗေဒင်သွားမေးတယ်လေ..(၂) ခွန်းပဲမေးလို့ရခဲ့တယ်လေ။
နောက်တစ်ခွန်းက အကြွေးတဲ့.. ခစ်..ခစ်။ ပြည့်စုံ စိတ်တိုသွားတယ်မလား။
ဗေဒင်ဆရာမလေးကို…"
"အင်း..ဟုတ်ပြီ..ဟုတ်ပြီ..ဘာလုပ်လုပ် သိနေတယ်ဆိုတော့ နှစ်ခုလောက်သိချင်တယ်။"
"ဟယ်..တစ်ခုဆို မရဘူးလား။"
"မရဘူး။ ၂ခုမှ..ဖြေမှာလား"
"သိပါတယ်..ပြည့်စုံက အမြဲ ၂ ခုပဲလိုချင်တာ..နှစ်ဂဏန်းကိုကြိုက်တာ။ သိပါတယ်။"
"ခင်ဗျားက ဘာလို့အဲ့လောက်တောင် သိနေတာလဲ..ဘယ်လိုလုပ်သိတာလဲ"
"အလိုလို သိနေတာ..။"
"အလိုလို..ဟုတ်လား။ မဖြစ်နိုင်ဘူးထင်တယ်နော်..။"
"ဒါဆို ဘယ်လို သိတယ်လို ပြည့်စုံထင်လဲ။"
"မထင်.မထင်တက်တော့ပါဘူးဗျာ.."
"ဟားးးးးးးးးးးး "
"ရယ်မနေနဲ့။ခင်များကို ကျွန်တော် လန့်နေပြီ..သိလား"
"မလန့်ပါနဲ့..တို့က ဒုက္ခမပေးပါဘူးဆို.."
"အဓိပ္ပါယ်မရှိဘူးကွာ..ဒီလောက် သိသိနေတာ"
( ဘာသံမှမကြားရပါ။ စိတ်မောသွားလို့ထွက်လာသော အသံမျိုးကိုကြားလိုက်ရပါသည်။)
"ကျွန်တော်မေးမယ် ဖြေမှာလား"
"မေးလေ.."
"ဒီနေ့ ဗေဒင်ဟောတဲ့ကောင်မလေး နာမည် သိချင်တယ်။ ရမလား"
"ဘာလို့ သိချင်ရတာလဲ"
"ကျွန်တော် စိတ်ဝင်စားလို့ဗျာ..ကဲ.ပြောမှာလား။ခင်များရော..သိလား။"
"အင်း…သိပါတယ်။ တို့က ပြည့်စုံနဲ့ပတ်သတ်နေရင်..သိသိနေတာများပါတယ်။"
"ဒါဆိုပြော"
"နတ်သမီး တဲ့"
"ဟာကွာ…နာမည်ရင်းကို သိချင်တာ..ဆိုင်နာမည်ကို မဟုတ်ဘူး"
"ဟုတ်တယ်..နတ်သမီးတဲ့"
"မနောက်ပါနဲ့ဗျာ..တစ်ကယ်သိချင်လို့ပါ။ ခင်များပဲ သိတယ်ဆို.."
"ဟားးးးးးးးး စိတ်လေသွားပုံကြီးကလည်း….အလကားစတာပါ။ သူနာမည်က..သော်တာ တဲ့"
"တစ်ကယ်လား"
"တစ်ကယ်ပေါ့"
"သူကဘာအလုပ်လုပ်လဲ"
"ဗေဒင်ဟောနေတာတွေ့ခဲ့သားနဲ့..ခစ်..ခစ်"
"ဟာ..အဲ့ဒါကိုပဲ အမြဲလုပ်နေတာလား"
"စတာပါ..တစ်ခါတစ်လေပဲလုပ်တာပါ။အမြဲ မဟုတ်ပါဘူး။ သူက
စိတ်ပညာကျမ်းပြုစုနေတာလေ..ပါရဂူဘွဲ့အတွက်"
"ခင်များက အဲ့ဒါလည်း သိနေတာပဲလား။ပြိးတော့ အဲံဒါတစ်ကယ်ပဲလား။"
"တစ်ကယ်ပါ..ပြည့်စုံရယ်..တို့က ညာပါ့မလား။"
"နေပါဦး..စိတ်ပညာကျမ်းပြုစုတာနဲ့ ဗေဒင်ဟောတာနဲ့ ဘာဆိုင်လို့တုန်း"
"ပြည့်စုံကရော..ဘာလို့ အဲ့လောက်တောင် သိချင်နေရတာလဲ။"
"စိတ်ဝင်စားလို့ပေါ့ဗျာ.."
"ကဲ..ကိုကိုမှော်ဆရာကြီး စာဆက်ရေးလိုက်ပါဦး။ ကျန်တာတွေ
နောက်နေ့မှဆက်မေးတော့..တာ့တာ။"
"သွားပြန်ပြီ..ဘာတွေလဲကွာ…ဟူး။"
သူကဘာလို့ ဒီလောက်တောင် သိနေရပါလိမ့်။
အံ့သြစရာ..။ကျွန်တော်တောင် နားမလည်နိုင်တော့ဘူး။ ကိုယ့်ကို ကိုယ်
ဟုတ်လှပြီ ထင်နေတာ..လိုက်မကြည့်ပဲ သိနေတယ်တဲ့။ တစ်ခါမှ မကြုံဖူးဘူး။
တစ်သက်နဲ့ တစ်ကိုယ် တစ်ခါမှ မကြုံဖူးဘူးဗျာ..။
ဒါဆို…သူနဲ့ ဗေဒင်ဆရာမလေးရော..မသိနိုင်ဘူးလား။
နက်ဖန်ကျရင်..ကျန်နေသေးတဲ့ မေးခွန်းတစ်ခုကို သွားမေးမယ်။ ဒီနေ့တော့
ကျွန်တော့်ကို မေးထားတဲ့ မေးခွန်း တွေပဲ ထိုင်ဖြေလိုက်တော့မယ်။
ရနံ့ချို။ ။ ကိုကိုမှော်ဆရာကြီးရှင့်။ ကျွန်မကို
အမုန်းအကြောင်းပြောပြပါနော်။ မပြောပဲလဲ မနေပါနဲ့နော်။ ၀တ်ကျေတန်းကျေလဲ
မပြောပါနဲ့။ယုံတမ်းစကားလည်း မဖြစ်ပါစေနှင့်။အမုန်းအကြောင်းမှလွဲပြိး
အခြားအကြောင်းလဲမပါပါစေနှင့်။ မဖြေပဲလဲ မလုပ်ပါနဲ့။ ဖြေပေးပါနော်..။
ကိုကိုမှော်ဆရာ။ ။ညီမလေးရေ..အကိုဆက်ဆက်ပြောပါမယ်။ မပြောပဲလဲမနေပါဘူး။
ဝတ်ကျေတန်းကျေလည်း မပြောပါဘူး။ အမုန်းအကြောင်းကလွဲပြီး
အခြားအကြောင်းလည်းမပါပါဘူး။ ဒါပေမယ့် ဒီစကားတွေ ကို ရုံးပိတ်ရက်မှာလည်း
နားမထောင်ပါနဲ့။ ကြားရက်မှာလည်းနားမထောင်ပါနဲ့။ အဖော်တွေလည်း မပါစေနဲ့။
လူကိုယ်တိုင် လာခဲ့ပါ။ သေသေချာချာပြောပြပါမယ်။
နှင်းနွယ်။ ။ အချစ်တစ်ခုဖြစ်လာဖို့ အချိန်ဘယ်လောက်လိုပါသလဲဆရာ..။
ကိုကိုမှော်ဆရာ။ ။လက်ကနဲ လျှပ်စီးလက်သလောက်အချိန်မျိုးမှာတောင်
အချစ်တစ်ခုဖြစ်လာနိုင်ပါတယ်..နှင်းနွယ်။
ရာဇာ။ ။ဆရာမှော်ရော..ချစ်ဖူးပါသလားခင်ဗျာ။ ကျွန်တော်တို့သူငယ်ချင်းတွေက
သိချင်လို့ပါ။
ကိုကိုမှော်ဆရာ။ ။ ကိုရာဇာရေ..ချစ်ဖူးတယ်…အိုမလွယ်ဘူး ရူးနိုင်တယ်။
ကျွန်တော် သီချင်းဆိုနေတာနော်..။
ကေသွယ်။ ။ဆရာမှော်ရေ…ကျွန်မတော့ ဆူးစူးနေပြီရှင့်။ ဘယ်လိုနှုတ်ရမလဲ
မသိတော့လို့ ကူညီပါဦး။
ကိုကိုမှော်ဆရာ။ ။ဆေးရုံတွေ..ဆေးပေးခန်းတွေ..ဒီလောက်များတာ
ကျွန်တော့်ကိုမှ မေးရသလားဗျာ..။ ဖြေပေး ရတောပေါ့လေ..။အရင်ဆုံး
အရက်ပြန်လောင်းလိုက်ပါ။မသောက်မိပါစေနှင့်။ ဇာဂနာတစ်ချောင်းကို
မီးရှို့လိုက်ပါ။ (၂)ချောင်းပါရင် အထီးဖြစ်နိုင်လို့ (၁)ချောင်းထဲသာပါသော
ဇာဂနာကို ရှာဝယ်ပါ။ ပြီးရင်..ကလော်ထုတ်လိုက်ပါ။ နည်းနည်းလည်း
နာနိုင်ပါတယ်။ အများကြီးလည်း နာနိုင်ပါတယ်။ အချိန်တစ်ခုပေးလိုက်ရင်
နာတာပျောက်ပြီး ဒဏ်ရာလည်း မကြာခင်မှာပျောက်သွားပါလိမ့်မယ်။ တစ်ခု
အထူးသတိပြုစေချင်တာက နောင်ဆိုရင် ဆူးတွေနဲ့ ဝေးဝေးနေပါ။
နတ်သမီး။ ။ သူဘာတွေလုပ်နေလဲဆိုတာကိုယ်က သိသိနေတော့ သူ့အကြောင်းကိုပဲ
တွေးနေမိပါတယ်။ အဲ့ဒါ ချစ်မိနေတာလား ဆိုတာ ရှင်းပြပါရှင်…။
ကိုကိုမှော်ဆရာ။ ။ ဟာ… ကျွန်တော်မဖြေတက်ဘူး။ ဘယ်သူတုန်း..။
လာခဲ့လေ…။သေချာရှင်းပြပေးမယ်။
ဟာ…..ကျွန်တော်သိတဲ့ နတ်သမီးလား..။နာမည်တူတာလား။သူဘယ်သူလဲ
?ကျွန်တော်စာဆက်ရေးချင်စိတ်
မရှိတော့ပါ။ အချိန်လည်းစေ့သွားပါသည်။ ကျွန်တော့်အတွေးတွေလည်း ..အဝေးသို့
လွင့်ထွက်သွားပါသည်။

အခန်း (၉)
တွေ့မယ်လို့မျှော်လင့်ထားကာမှ တစ်ကယ်မတွေ့ရတော့ မောသွားပါသည်။ ပါလာတဲ့
သူငယ်ချင်းတွေကလည်း…
"ဟုတ်ကောဟုတ်ရဲ့လား ပြည့်စုံရယ်.."
"မင်း ငါ့တို့ကို မင်းစိတ်ထဲက ပုံပြင်တွေပြောနေတာလားကွာ"
"ဟေ့ကောင်..လိုင်းပေါ်တက်ပြိးတော့ မင်းရူးချင်သမျှရူးခွင့်ပေးထားတာ
အပြင်ကိုတော့ ပါမလာပါနဲ့ကွာ"
"အေးလေကွာ.."
ကျွန်တော်ပြန်ပြောချင်စိတ်တောင်မရှိတော့ပါ။ ကျွန်တော်ပဲ
ရူးနေတာလား..မသိတော့ပါဘူး။ သေချာတွေ့မယ်လို့ ထင်ထားတာ..တစ်ကယ်မတွေ့ရတော့
ဘာမှ လုပ်ချင်စိတ်တောင်မရှိတော့ပါ။
နတ်သမီး…. မင်းငါ့ကို ဖမ်းစားလွန်းတယ်..။
ရပါတယ်..ဗေဒင်ဆရာမလေးရယ်…။ မင်းအပေါ်မှာ ငါက မေးခွန်းတစ်ခု
အကြွေးတင်သွားပြီနော်..။ ရေစက်မကုန် သေးရင် တွေ့ကြဦးမှာပါ..။
အဲ့ဒီအခါကျရင်..ငါက..မင်းကို စကားတွေအများကြီးပြောချင်ပါတယ်..။
တစ်ခွန်းမကတဲ့ မေးခွန်း တွေ မေးချင်ပါတယ်..။
ငါက..မင်းကို (၁၅၀၀)ပေးပါမယ်..။ မင်းက ငါ့ကို အဖြေ (၉) ခု ပေးပါနော်..။
ဘယ်လောက်ပဲ ခက်ခဲနေပါစေ.. ငါတွေ့အောင်ရှာမှာပါ..နတ်သမီးရယ်..။(
မှတ်ချက်။ ။ စာရေးသူဘ၀မှာ တစ်ညတည်းနဲ့ ချစ်တယ်ဆိုတဲ့ စိတ်ချမ်းသာ မှုကို
(၉)ကြိမ်တိတိရခဲ့ဖူးပါတယ်။ ဒါပေမယ့် ပျော်ရွှင်မှု နည်းနည်းလေးရဖို့
မျက်ရည်တွေအများကြီးပေးဆပ်ခဲ့ရပါတယ်။ တစ်ကယ့်ကို အိပ်မက် မက်ခွင့်
ပေးခဲ့တာပါ..။ အချိန်အား ဖြင့် ပြောရရင် ၂ နာရီထဲပါပဲ..။
ပြန်တွေးမိတိုင်း ကြေကွဲနေမိဆဲပါပဲ..။ ကလေးလေး တစ်ယောက်လို
ပြန်လိုချင်တယ်လို့ လူသူကင်းရှင်းတဲ့အခါမျိုးမှာ ခဏခဏ
ဟစ်ကြွေးခဲ့ဖူးပါတယ်။ အဲ့ဒီ အရိပ်ဟာ.. ဒီနေ့အထိ အုပ်မိုးနေဆဲ့ပါပဲ။ အမှန်
ပြောရရင်…ကျွန်တော် မပျော်ပါဘူးဗျာ..။ စိတ်ကူးထဲမှာ ချစ်ပြီး
စိတ်ကူးထဲမှာလမ်းခွဲခဲ့တာ တစ်ကယ်မှ ဟုတ်ပါလေစ လို့တွေးတွေးမိပြီး
အိပ်မက်ဆန်တဲ့အချစ်မျိုးဟာ.. ဒီနေ့အထိ ကျွန်တော့်အပေါ် ရိုက်ခတ်မှု
အားကောင်း နေဆဲပါပဲ…။ ဒဏ်ရာတွေလည်း ပြန်မတွေးချင်ပါ ဘူး..။ သေချာတာကတော့
မက်ခဲ့တဲ့ အိပ်မက်လေးကို တစ်ကယ်ဖြစ်လာနိုးနဲ့ ခဏခဏဖမ်းဆုပ်နေမိတယ်။
မရပါဘူး။ မီးခိုးငွေ့တွေ လိုပါပဲ..ပါးလျပျောက်ကွယ်သွားတာပါပဲ။
လွမ်းနေမိတာတော့ တစ်ကယ်ပါ။ )
"ဘာတွေ တွေးနေတာလဲ ပြည့်စုံ။ ပြန်ကြမယ်လေ.."
"မတွေ့မှတော့ ပြန်ရပြီပေါ့ ဗေဒင်ဆရာမလေးရယ်.."
"အေးလေ..ပြန်ကြတာပေါ့"
"ဒါနဲ့ ဒီတစ်ပတ်အလှည့်က ပြည့်စုံနော်"
မင်းကို ပြောမှ သတိရပါတော့သည်။ တနင်္ဂနွေနေ့ ည(၇) နာရီတွင်
အွန်လိုင်းပေါ်ရှိ ခုမေးခုဖြေကဏ္ဍ တွင်ဖြေဖို့ အလှည့်ကျတာဝန်ခံက
ကျွန်တော်ဖြစ်သည်ကို သတိရသွားပါသည်။ ဒီတစ်ပတ်တွင် မှော်ဆရာလေးမှ
လက်ခံစကား ပြောမည်ဟု ကြေငြာထားပါသည်။
ကျွန်တော်တောင် တာဝန်တွေပျက်ကွက်နေပါသည်။ ဘာမှမပြင်ဆင်ရသေးပါ။
မပြင်မဆင်ပဲ ပွဲကရတာ ဒီတစ်ခါ ပထမဆုံးပဲ လို့တွေးကာ နက်ဖန်ညကျရင်
ထိုင်ရတော့မည်ဖြစ်သော ခုမေးခုဖြေကဏ္ဍ ကိုတွေးလိုက်မိပါသည်။
မင်္ဂလာပါခင်ဗျာ..။
ခုမေးခုဖြေကဏ္ဍကို တနင်္ဂနွေနေ့ ည(၇) နာရီမှ (၉)နာရီအထိ တစ်ပတ်ခြားလျှင်
တစ်ကြိမ် လက်ခံဖြေကြား ပေးပါ မယ်။ ဒီကဏ္ဍတွင် ပြောကြားပေးလိုသော
ရည်ရွယ်ချက်က အသိပညာတိုးရန်..၊ပျော်ရွှင်ကြည်နူးစေရန် နှင့် အခက်အခဲရှိသူ
များကို ၀ိုင်းဝန်း ကူညီဖြေရှင်းပေးရန် ဖြစ်ပါတယ်။ မေးလာသော
မေးခွန်းများတွင် ပုဂ္ဂိုလ်ရေးရာ ထိခိုက်မှုများ နှင့် နိုင်ငံရေး နှင့်
ဆိုင်သော မေးခွန်းများကို လက်ခံဖြေကြားခြင်းပြုမည် မဟုတ်ကြောင်းကို
ကြိုတင် အသိပေးအပ်ပါသည် ခင်ဗျာ..။ မှတ်ချက်။ Connections
ကောင်းခြင်းမကောင်းခြင်းကို လက်ခံစဉ်းစားပေးမည် မဟုတ်ဘဲ..မေးလာသောသူများ၏
မေးခွန်းများကိုသာ ဖြေကြားပေးမည် ဖြစ်ပါသည်။
မေးမြန်းနိုင်ပါသည်ခင်ဗျာ..လက်ခံဖြေကြားပေးဖို့တာဝန်ကျသူကတော့
www.mawcity.com မှ Admin တစ်ဦးဖြစ်သူ ကိုကိုမှော်ဆရာလေး (Email :
kokohmawsayarlay@mawcity.com) က ဖြေကြားပေးမှာဖြစ်ပါတယ် ခင်ဗျာ..။
နွယ်ဇင်ဝေ။ ။ ဆြာမှော်…နွယ်သိချင်တာလေးကို ဆြာနားလည်ရင်ဖြေပေးပါနော်..။
နွယ်လေ..ဗန်ဂိုးရဲ့ အာလူး စားသူများ ပန်းချီကားကို
ကြည့်လိုက်ရတော့သူတို့ရဲ့မျက်လုံးတွေက တစ်ခုခုကို ပြောနေသလို
ပါပဲ..ဆြာမှော်ကရော..ဘယ်လိုမြင်ပါသလဲ။
ကိုကိုမှော်ဆရာ။ ။ မနွယ်ဇင်ဝေအနေနဲ့ အဲ့ဒီအာလူးကိုများ
လုစားနေချင်သလားပဲ..။ မနွယ်ဇင်ဝေ တွေးတာ မှန်ပါ တယ်။ တစ်ခုခုကိုပြောနေတာ
အမှန်ပါပဲ..။ ကျွန်တော်ကတော့ မျက်လုံးတွေကို ဒီလို မြင်ပါတယ်။
လွတ်လပ်စွာကွဲလွဲတာကိုတော့ နားလည်ပေးပါဗျာ..။ ဆရာဗန်ဂိုးပန်းချီထဲက
မျက်လုံးတွေကို သူဌေးတစ်ယောက်မှာ တပ်လိုက်ရင် အဓိပ္ပါယ်တစ်မျိုးရပါတယ်။
သူတောင်းစားတစ်ယောက်ဆီမှာ တပ်လိုက်ရင် အဓိပ္ပါယ်နောက်တစ်မျိုးထပ်ရပါတယ်။
ဒီလိုပါပဲ..ကျောင်းဆရာ..တံမြက်စည်းလှည်းသမား..သူဌေးသား..လုပ်ငန်းရှင်..သူနာပြု..ဈေးသည်..စသဖြင့်ပေါ့ဗျာ..လိုက်တပ်ကြည့်ပါ။
အဓိပ္ပါယ်တစ်မျိုးပြီးတစ်မျိုးရနိုင်ပါတယ်။ နောက်ထပ်ရလာတဲ့
အဓိပ္ပါယ်တွေရှိလာရင် ကျွန်တော့်ကိုလည်း ပြောပြပါနော်..။ ဒီတစ်ခေါက်တော့
ကျေနပ်ပါဦးနော်..။
ငြိမ်းငြိမ်း။ ။အကိုမှော်ဆရာ ရှင့်…….။… (အနုပညာဆိုတာ ပုံတူကူးတင်ပြတာ
မဟုတ်ဘူး။ သင်္ကေတပြု
တင်ပြတာဖြစ်တယ်….." လို့ ကြားဖူးပါတယ်။) ရှင်းပြပေးပါရှင်..။
ကိုကိုမှော်ဆရာ။ ။ဘုရား..ဘုရား…ရွှေတိဂုံဘုရား..ဆူးလေဘုရား..ဗိုလ်တထောင်ဘုရား..ကျိုက္ကဆံဘုရား..
မဟာ မြတ်မုနိဘုရား..ရှိသမျှ ဘုရား ၂၈ ဆူ..အားလုံး
အားလုံး…။ဘုရားတပည့်တော့်အား စောင့်မ ကြည့်ရှုတော်မူပါဘုရား..။
မြိုင်ရာဇာတွတ်ပီလို ဒီနေ့ကံမကောင်းပါလားလို့ ရွတ်ရတော့မယ်ထင် ပါတယ်။
ဖြေမယ်နော်..။
အထက်ပါစကားကို ပလိုတီးနပ်စ်က ပြောခဲ့တာဖြစ်ပါတယ်။ အဓိပ္ပါယ်ကတော့ ဒီလိုပါ။
"ခုချိန်ကစပြီး
ကျွန်တော်တို့ နားလည်နိုင်ပြီ။ အနုပညာဆိုတာ ပုံတူကူးတင်ပြတာ မဟုတ်ဘူး။
သင်္ကေတပြုတင်ပြတာ ဖြစ်တယ်….." လို့ ပြောပါတယ် ။ (It is hence forth
understood that art is not imitative but symbolic) .
ပလိုတီးနပ်စ်ပြောတဲ့ သင်္ကေတသဘောဟာ သစ်ဆန်းပါတယ်။ ရှိထားပြီးသား အစဉ်အလာက
ပြဋ္ဌာန်း ပြီးသားသင်္ကေတမျိုးမဟုတ်ပါဘူး။ အနုပညာသမားက စိတ်ထဲမှာ
ကွန့်မြူးဖန်ဆင်းပြီး ဖော်ထုတ်တဲ့
သင်္ကေတကို ဆိုလိုတာ ဖြစ်ပါတယ်။
သင်္ကေတ၀ါဒနဲ့ ပတ်သတ်ပြီး ကျမ်းတစ်ကျမ်းက အောက်ပါအတိုင်း ဖွင့်ဆိုထားပါတယ်။
၁။သင်္ကေတ၀ါဒသည် သရုပ်မှန်ဝါဒနှင့် ဂန္တ၀င်ဝါဒ အဖွဲ့အနွဲ့တို့မှ ကင်းလွတ်သည်။
(The movement away from realism and classicism)
၂။အများသိ သင်္ကေတများကို မသုံးဘဲ ကိုယ်ပိုင်သင်္ကေတများကိုသာ သုံးသည်။
(Employing private rather than public symbols)
၃။တိုက်ရိုက်ဖွင့်ဆိုမှုကို မသုံးဘဲ ဖော်ညွှန်းသော သဘောကိုသာ သုံးသည်။
(Working by suggestion rather than by direct statement)
၎။အနုပညာဖန်တီးမှု ဖြစ်စဉ်အတွက် သင်္ကေတသည် အခြေခံတစ်ခု ဖြစ်သည်။
(Symbolism, however, is a fundamental aristic process)
၅။အနုပညာသမား၏ စိတ်ထဲမှ အလိုအလျောက် စိမ့်ထွက်သည်။
(More often arises spontaneously)
၆။အနုပညာသမား၏ ကိုယ်ပိုင်အမြင်မှ ထွက်ရှိသည်။
(Within in individual context)
ဒီနေ့အတွက်ကတော့ကျေနပ်ပါတော့နော်..နောက်မှာလည်းကျန်သေးလို့ပါ။
ဗိုလ်ကျော်။ ။ မဂ်လာပါ ဆရာမှော်..။ ကျွန်တော်သိချင်တာက လူသားတွေဟာ
ရှိပြိးသားပုံသေနည်းတစ်ခု ကနေ ဘာကြောင့်
နောက်ထပ်အသစ်တစ်ခုကိုလက်ခံဖို့ခက်ခဲနေလဲ ဆိုတာကိုပါ။ ကျွန်တော်က
စိတ်ပညာအထူးပြု(တတိယနှစ်)ကျောင်းသားပါ။ ဖြေကြားပေးပါခင်ဗျာ။
ကိုကိုမှော်ဆရာ။ ။ တစ်ခါတစ်လေမှာ အသစ်တွေဟာ လက်ခံချင်စရာမကောင်းလို့ပါပဲ
ဗိုလ်ကျော်ရေ..။ အသစ် အားလုံးလားလို့မေးရင် မဟုတ်ဘူးလို့ဖြေရမှာပါပဲ။
ကျွန်တော်ကလည်း အဖြေပေးနေတာမဟုတ်ဘဲ ပြန်မေးနေတာလို့ယူဆပြီး
စဉ်းစားကြည့်ပါ။ ဒါဆိုရင် ဗိုလ်ကျော်မေးတဲ့ အသစ်ကို လက်ခံရန်
ခက်ခဲခြင်းကို မြင်လာမှာပါ။
ရွှေဝယ်သူ။ ။ဆရာ..ကျွန်မယောက်ျားကကျွန်မကို
အင်တာနက်သုံးတာသိရင်ရိုက်ပါတယ်။ အဲ့ဒါ ဘာကြောင့် ပါလဲဆရာ..။
မြန်မြန်ဖြေပေးပါနော်။
ကိုကိုမှော်ဆရာ။ ။နောက်မှာယောက်ျားလိုက်မလာသေးဘူးမလား ။ဖြေးဖြေးပေါ့.။
ဒီလိုပါ..သူသိသလိုတွေ သိကုန် မှာစိုးလို့ပါ။ နောက်တစ်ခုက
ပိုက်ဆံကုန်လို့ပါ..။ နောက်တစ်ခုက ခင်ဗျား နောက်ယောက်ျား
ယူသွားမှာစိုးလို့ပါ။ ရှင်းရှင်းပြောရရင် ရွှေဝယ်သူလေးကို
သိပ်ချစ်လို့ပါ။ နောက်တစ်ခုက
နောက်ကိုလှည့်ကြည်လိုက်ပါ..ယောက်ျားလိုက်လာပြီလား။ ရိုက်စရာ
တုတ်တွေ..ကြိမ်လုံးတွေ ရောပါလာသေးလား။ ဒီစာကိုဖတ်ပြီး
နောက်ကိုလှည့်ကြည်မိရင် ခင်ဗျားဟာ ယောက်ျားက
ရိုက်လေလေ..ပိုချစ်လေလေဖြစ်နေလို့ ခင်ဗျားယောက်ျားကရိုက်တာပါ။ ချစ်လို့
ရိုက်တာပါ။ အရိုးကွဲအောင်ရိုက်မှ အသည်းစွဲအောင်ချစ်လို့ပါ။ (မှတ်ချက်။ ။
ကိုကိုမှော်ဆရာက အားလုံးလိမ်ပြောခြင်းဖြစ်ပါသည်။)
ရန်ကင်းကမမ။ ။ ဆရာရေ..။ကျွန်မ အပျိုကြီးဖြစ်နေတာကို သူငယ်ချင်းတွေက
လာလာစတယ်။ ဘယ်လို ပြန်ပြောရမလဲ။
ကိုကိုမှော်ဆရာ။ ။မြန်မာလိုပဲပြောပါ..အဲလေ.မှားလို့။ အပူမလောင်ချင်လို့
အဖြူရောင်လေးနေနေတာပါ..လို့။ နင်တို့သာ အရောင်ဆိုးခံလိုက်ပါ။
ကာလာစုံလေးတွေ ထွက်လာမယ်..လို့ပြောလိုက်ပါ။ ပုတာလေးတွေ..
ရှည်တာလေးတွေ..ဖြူတာလေးတွေ..ညိုတာလေးတွေ…အစုံအစုံပေါ့လေ..။ ဟုတ်ပြီလား..။
ကိုကိုကတော့အပြောအဆို ယဉ်ကျေးတယ်နော်..။
သင်္ကေတ။ ။ ဆရာမှော်ရေ….ကျွန်တော့်နာမည်က သင်္ကေတ ပါ။ သင်္ကေတအကြောင်းကို သိချင်ပါတယ်။
ကိုကိုမှော်ဆရာ။ ။ ကျွန်တော်တွေ့ဘူးတဲ့ရွာက
အင်္ဂလိပ်စာသင်တဲ့ဆရာလိုပြောရရင်..ခက်စ်တော့ခက်စ်နေပါပြီဗျာ။
Symbol (v.i) symbolize အထိမ်းအမှတ် လုပ်သည်။
အထိမ်းအမှတ်-အမှတ်လက္ခဏာ-နှင့် ဖော်ပြသည်။(n)သင်္ကေတ။ အမှတ်လက္ခဏာ။
အထိမ်းအမှတ်။ လို့ Dictionary မှာလေ့လာ ဖူး ပါတယ်။ ဒါနဲ့ ခင်ဗျားက
အထိမ်းအမှတ်လား.? ဒါမှမဟုတ်..! အမှတ်လက္ခဏာလား။ သင်္ကေတ လား။
အဲ့ဒါတွေတစ်ခုမှမဟုတ်ဘူးဆိုရင်.. အထိမ်းအမှတ်ကလာတဲ့ အမှတ်လက္ခဏာ လား။
အမှတ်လက္ခဏာကလာတဲ့ သင်္ကေတ လား။ သင်္ကေတကလာတဲ့ အထိမ်းအမှတ်လား..။ ဘာလဲ ဟင်။
အဲ့ဒါတွေကရော..တူတူပဲလား။ ကျွန်တော်တော့ ရှုတ်နေပြီ..ကူပါဦး။
စနေသား။ ။ ဆရာမှော်..။ စနေသားတွေကို ဘာလို့လူတွေက အမြင်စောင်းနေရတာလဲ ခင်ဗျာ..။
ကိုကိုမှော်ဆရာ။ ။ ရှင်းရှင်းလေးပါ..။သူတို့တွေက စောင်းနေလို့
သူတို့အမြင်တွေပါ စောင်းနေရတာပါ။ အမှန်ဆိုရင် ကမ္ဘာလောကကြီးကလည်း
အမြင်စောင်းနေတာပါပဲ.။ ဟုတ်ပါတယ်နော်..။ စိတ်မညစ်ပါနဲ့ဗျာ။
ကိုကိုမှော်ဆရာလည်း စနေသားပါပဲ။ နေတက်ရေတက် မနက်(၇) နာရီတိတိမှာမွေးတဲ့
သားဦး စနေပါ။ စနေသား သိုက်ဖွား ပါဗျ။ ဘက်တူရင်လူမရွေးဘူး..။
ပြေးပြီးသားပဲ.။ ဟဲ..ဟဲ။
နတ်သမီး။ ။ သူဘာတွေလုပ်နေလဲဆိုတာကိုယ်က သိသိနေတော့ သူ့အကြောင်းကိုပဲ
တွေးနေမိပါတယ်။ အဲ့ဒါ ချစ်မိနေတာလား ဆိုတာ ရှင်းပြပါရှင်…။
မသိဘူးလို့တော့မပြောပါနဲ့နော်..။သိသလောက်လေး ကိုသာ ရှင်းပြပေးပါ..။
ကိုကိုမှော်ဆရာ။ ။ဒီမေးခွန်းကို ကျွန်တော်တွေ့တာ
အခုဆိုရင်..(၂)ခါရှိပါပြီ..။ သိသလောက်ကြိုးစားပြီး ရှင်းပြပေး ပါမယ်။
စိတ်ပညာကျမ်းတွေမှာ…တယ်လီပသီ(Telepathy) ဆိုတဲ့ အတက်ပညာရပ်တစ်ခု
ရှိပါတယ်။ လေ့ကျင်ယူရတဲ့ အပိုင်းတွေတော့ ရှိတာပေါ့ဗျာ..။ တစ်ချို့ကလည်း
စိတ်တန်ခိုးလို့ ဆိုကြပါတယ်။ အဲ့ဒီ အလေ့အကျင့်ဟာ
သေချာလေ့ကျင့်ထားမယ်ဆိုရင်..တစ်ပါးသူရဲ့စိတ်ကို မြင်နိုင်ပါတယ်။ ဒါနဲ့
နတ်သမီး က နတ်သမီးပဲဟာ..မြင်နေတာ ဘာဆန်းလဲဗျ..။ကျွန်တော်တို့သာ
လူတွေဖြစ်နေလို့ လေ့ကျင့်ရတာလေ..။ ကျေနပ်ပါနော်..။
အီကွေဒါ။ ။ ဆရာမှော်ရေ..။ ရန်ကုန်မြို့မှာ ကုန်းဘယ်နှစ်ကုန်းရှိလဲ သိချင်ပါတယ်။
ကိုကိုမှော်ဆရာ။ ။ အဲ..တစ်မျိုးပဲဗျ..။ဖြေရမှာပေါ့လေ..။ ရန်ကုန်မှာ ကုန်း
(၃၃) ကုန်းရှိပါတယ်။ ဥပမာ - စော်ဘွားကြီးကုန်း၊ မအူကုန်း၊ မြေနီကုန်း
အဲ့လိုပေါ့လေ..။ အဓိပ္ပါယ်မှားမယ်နော်..။ ကျန်တာတွေတော့
ဆက်လေ့လာကြည့်ပါနော်..။
ယခုတစ်ပတ်ခုမေးခုဖြေကဏ္ဍကိုကျေနပ်တော်မူကြပါခင်ဗျာ..နောင်နောက်အပတ်များအတွက်လည်းမေးခွန်းများရှာဖွေ
ထားပါဦးလို့ ပြောကြားရင်း…အားလုံးပျော်ရွှင်ချမ်းမြေ့ကြပါစေ..အသိအတက်များတိုးပါစေ…လို့
ကိုကိုမှော်ဆရာမှ ဆုမွန်ကောင်းများပေးလျှက်…
နောက်အပတ်ကျမှဆက်တင်ပေးပါမည်။
ကိုကိုမှော်ဆရာလေး